Corpus of Electronic Texts Edition
Saltair na Rann (Author: Unknown)
poem 124
124.
6937] Diatánic Dauid andess
darIordanan, nirb'imchres,
tárnactar 'nadáil cenlén
slóig Iuda, slóig Israhél.
6941] Rofer slóg Iuda coslán
fáilti friDauid ndermár,
bafálti fóil, nirbothrén,
failti sloig mac n-Israhél.
6945] Rofer Sephi, gléssib glór,
forséssib Abisolón,
{folio 37 a 1}rotriall cath aili fogreim
mac Bachaire osléib Effraim.
6949] Sephi mac Bachairi braiss,
doclainn Israhél admaiss,
rothinól slóg, nirb'frisid,
dochomhéirge friDuid.
6953] Romebaid fair, nifuair dín,
rian-Iób comuintir Duid,
corocht incathraig, cét mbla,
Abella Pedamacha.
6957] Corongiuil Iob ilar cath,
nirbochiuin cóir conarmrad,
condessid mardlúm dardreich
immondún docachóenleith.
6961] Bae banscal écnaid is'dún
iarfrecraib imcechglanrún,
d'acallaim Iób bái 'sinchath
doluid formúr nacathrach.
6965] Gorelic gairm, ba gním n-óg,
formac Sairb, nirbuerthróg,
donmúr fiadintslog immaig
condernai Iob d'acallaim.
6969] 'A Iob it'foimsid frisíd,
achoimsid forslóg nDuíd,
nahimbeir luinni colén
formuimmi mac n-Israhél.
6973] 'Senfoccul buada, buan scél,
latuatha mac n-Israhel,
docachcheist chialchaid rotchná
iarfaig inPedamachá.'
6977] Roraid Iob ilar dáil,
fiadintslog frisinmbanscáil:
'teilgc cenn meic Bachairi 'mach,
nigébthar ell nacathrach.'
6981] Roradi inben iarsein
comblathi, cenimresain:
'ferr oenfer dontslog dodul
indá inmor domudugud.'
6985] Dorigned sain arIob
mac Sairb frisretha soerslóg,
cenn meic Bachairi immach
rolad darmúr nacathrach.
6989] Dorumalt Dauid cenchess
ahorddan, ahairechass,
cofargaib friSolam slán
iarsin inflaithius forlán.
6993] Samma mac Geraid condith
iarndebaid dó friDuid,
roslecht doDauid cotrait
darIordanan diatánic.
Diatánic Dauid aness.