Corpus of Electronic Texts Edition
Saltair na Rann (Author: Unknown)

poem 122

122.


6865] Rosnort int-angel cosnéid
triachinaid diumsa Duíd,
sechtmoga míli, mor scél,

p.101

dodíni mac n-Israhél.
6869] Dorigni Dauid fogail
athirgi fothromdéraib,
cocétlodaib salm slechta,
in-étgodaib cilecda.
6873] Ri rodet dilgud derb, dein,
doDauid diamórchintaib,
dodeccraib agním clithi
iarnahettlaib athirgi.
6877] Dodeochaid Gad glanbda gle,
comac n-amra n-Iesse,
con-erbairt fris, fath cenchlith,
'dena tegdais donChomdid.
6881] 'Túargaib altóir doDia dil,
buidnib balcthoir donChomdid,
in-aria, cenlunni lí,
Ornaunndi Iabussi.'
6885] Dorinnscan Dauid insein
doruirig nimi nóebgil,
nicheil frignim nglérda nglan
tempul sain ségda Solman.
6889] Mor míli iarset roslas,
mor cét, mór ndíni ndronmas,
mor slúag rosmacht frisnúad sel,
nitrúag rosnort int-angel.
Rosnort int-angel cosnéid.