Corpus of Electronic Texts Edition
Saltair na Rann (Author: Unknown)
poem 99
99.
5901] Oshunn romebaid incath
ríanDuid cosinmórrath:
atbered inslóg cogúr:
'ferr comor62 indá Saúl.'
5905] Ocmolad Dauid, delm n-uag,
sechSaúl, sech inmorslúag,
p.87
babind acéol ngrinngel nglé
innan-ingen n-Ebraidé.
5909] Intan baóenmíli aig
ocSaúl conaslúagaib,
deichmíli mora, mordíth,
dorochratar ocDauíd.
5913] Tinól Dauid diluth glan
friherud nahairmiten,
cetheirtréin tairbbig foleith
dichairdib, dichomdíneib.
5917] IArsin tuc fobríg buadaig
ingin Sáuil srethsluagaib,
Míchol mór, mó cách ngaine,
dohinchaib nandagdaine.
5921] Or'ort Gola, cruach golach,
diambái inslúag 'coamormolad,
lammac croda
[...]
congail
baduairc laiss aimcasain.
5925] Intslúaig indruirig combríg
inmuirig immonn-ardríg,
bafaelid cach díb dialuid
incath oshunn romebaid.
Oshunn romebaid incath