Corpus of Electronic Texts Edition
Saltair na Rann (Author: Unknown)
poem 98
98.
5881] Atrachtatar nadaslúag
donchath croda claidebrúad,
doimruachtain cinn icenn,
doimthuargain cocomthenn.
5885] Frifúrad nangrúam nglorach
nacúrad, nacruadchorad,
colin androng ndían ndaigrech,
bátar ciai iccomclaidbed.
5889] Ri dorat triall forsincath
rianDauid ndian, dássachtach,
coroemid incath cendil
forslog faelid Filistín.
5893] Bai crú garb darcorp centlí
icath glinni Treibinthi,
diatorchair dib, toromm nglé,
séssiur cóica coicmile.
5897] Slúaig naFilistín fonél
ocus slúaig mac n-Israhél,{folio 34 a 2}
nírbuchian friginol ngal
tinól dían atrachtatar.
Atrachtatar nadaslúag.