Corpus of Electronic Texts Edition
Saltair na Rann (Author: Unknown)
poem 95
95.
5801] Dodeochaid Dauid amné,
ossar clainne Iessé,
isindinbaidsin othreib,
'sin slog colón diabrathreib.
{folio 34 a 1}
5805] Cocuala incóe, nuallaib nél,
bóe forsluagaib Israhél,
acomruc désse cenchath,
fer cach lae díb nomarbad.
5809] Roiarfacht Dauid cenchleith
isinphopull diabratreib:
'coalog dobeir no ciarath
inrí dondfiur nombífad?'
5813] Atchuadatar inbráthir,
briathraib bithib bithblaithib,
doDauid, cenní iarcul,
feib léir rodgellai Saul.
5817] Rogellai Saúl mac Ciss
ahingin cendil n-indliss,
lacachmaith do doberad
dondoenfiur dafingebad.
5821] Dauid dualach, tolaib gal,
bahé inset sluagach salmglan,
badeccair taidbsen diadrech
isindaimser dodechaid.
Dodeochaid Dauid amné.