Corpus of Electronic Texts Edition
Saltair na Rann (Author: Unknown)
poem 87
87.
5581] Coscur n-aili trén túargaib,
diar'maid forsnamorsluagaib,
con-immud muirech, mod n-án,
p.82
riaSául, rian-Ianothan.
5585] Diatancatar cucu intslúaig
Filistín feochair firchruaid,
nicondilgud acht congail,
diandibdud, diandianarggain.
5589] Dodígail Náais, noithech ág,
forSául, forslúag Galad,
cocath gér geimlech, gnim n-óg,
icoemthecht neimnech n-Ammón.
5593] Díarmide daigrech dín
drong daigrech naFilistín,
tricha mile cairptech cath
issé mili fer n-armach.
5597] Lotar lín ateglaig dein
bagním dedgair coanaimteib,
dámíle laSaul slán
ismíle laIonathán.
5601] Cofopartatar inslog
naFilistin, nan-Ammon,
corálsatar og glanóg ngrinn
for Ammon, forFilistim.
5605] Macc Ciss óragab ríge
robris formór n-ilmile,
rosindre iarcoscur glé,
dorigne coscur n-aile.
Coscur n-aili tren túargaib.