Corpus of Electronic Texts Edition
Saltair na Rann (Author: Unknown)
poem 85
85.
5513] Ohel, Abía, erctha buáid,
dámac sain segda Samúail,
nibatclithemail 'moscél,
brithemain mac n-Israhél.
5517] Ecoitchinn60 eat frigním ngann,
p.81
frigubreith, frigúforgall:
badimdaig díb, tola trén,
sloig mora mac n-Israhél.
5521] Linib treb dál, tola nglé,
otha Dán coBersabe,
dochum Samuél cosindrath
dodeochatar coRamath.{folio 33 a 2}
5525] Gadatar doDia, delm n-úag,
isgadatar doSamúal,
fricathu, fribruth, fribríg,
conábetis cenoenríg.
5529] IArfacht dóib Samuel frisreith:
'cid tachthi Día forcoimdeid?
forríse isferr cechríg ráin,
ardruire nime noebnáir.
5533] 'Fónmissi robriss recht réil
foirb ritecht darbforn-amréir,
arforfelmáine cenlén,
adegdáine Israhel!'
5537] IArsin roraide inslúag
an-athesc fir friSamúal:
'friimmad mbrig mbuidenn mbla
niruibem cenríg ndóenna.'
5541] Rooirdnistar Samuel faith
Saul mac Cis conglanbaig,
frisoerbríg ndúasaig, deilm ndil,
dooenríg
[...]
uasail.
5545] O shunn rogab ríge rúad
Saul digrais daigermúad:
rodaslin galma ocus glóir
clanna ámra Iacóib.
5549] Connabetis cenrig rain
gádatar huili ahoendail:
romiscnigset, mílib scél,
Abía ocus Ohél.
Ohél, Abía, erctha buaid.