Corpus of Electronic Texts Edition
Saltair na Rann (Author: Unknown)

poem 83

83.


5393] Bahuallach forDagon56 dían,
diahídal immid anrían,
arc Dé cuce rian-ócaib,
iarsligthib, iarprimrótaib.
5397] Diatardad dígal cotrén
fortirib mac n-Israhél,
icind Hele conachlaind,
dochuatar huile imbadbraind.
5401] Diatorchair dib isinchath
trichet mili fer n-armach,
imdámac Hele andiis,
Ofne ocus Finees.
5405] Diarucsatar leo indairc
Filistín feib dosrimthairc,
línib gelglor conangrain
dothempul dérmor Dagain.
5409] Or'siacht coDagan diathaig
airc inCoimded cumachtaig,
dorigni dé min islúaith,
rochlaemchlai gne 'sindoenúair.
5413] Mór domilib, buiden mbras,
dorochair dib, delm n-amnas,
rodosnairg Dia, toromm ngle,
arairgabail nahairce.
5417] Cid nahí naherbalt díb
rodospianta fodimbríg,
lotar forru immach, mod ngle,
conara an-imthelgthe.
5421] Arcc indríg reil rígi áir
morchoimded nime noebnair,
robai ann fogris grada
secht mís caine comlána.
5425] Tuargabad indarc corath
fordiócbáe cendomnad,
al-loeg fogaile cachta,
até caine, comblechta.{folio 33 a 1}
5429] Rochumrigthe leo dondairc
cuibdigthe feib dosrimthairc,
fuath lochad57 landai lordai,
fuath nan-ainne erordai.
5433] Ri rosnordaig nadibai
cosinn-airc cenimmarbae,
iarconair chóir, crichid scél,
cotarrasair forambel (?) 58.
5437] Batar ann túatha frifeis
dianidainm Bidsomieis,
dosrinolsat, toga ngle,
doimcassin nahairce.
5441] Acht chena insluag, lathar ndil,
dodeochaid diahimcasin,
trifichit fer feochair glóir,
bamarb uadib fochetóir.
5445] Cáeca mili, medar n-úag,
iarsin bamarb donmorslúag,
dontúaith dathglain, dine ngle,
imchathraig Bidsomite.
5449] Bidsomite foidit scél
cosluagu mac n-Israhel,
cotissed nachslúag dib de

p.80

coluath arcenn nahairce.
5453] Dodeochatar natúatha
cuce, caine, comlúatha,
d'fáilti fria, cenait n-uabuir,
frihairc indrig roruanaid.
5457] IArsin cotucsat hifén
indarc docharraic Abél,
argra de delbais cechcath
cotegdais Aminadab.
5461] Elizorus rigdu rath,
dochinud Aminadab,
fricacart cáin, caingen nglé,
bahé sacart nahairce.
5455] Indarc amra, ilair blad,
in-adbai Aminadab,
robai fichit mbliadan mbind
isintúaith Cariathiarim.
5469] Corodmbroe rí betha bailcc,
rodclái triagertha comthailc;
badremun degrach dochath,
sechba menmnach bahuallach.
Bahuallach forDagon59 dían.