Corpus of Electronic Texts Edition
Saltair na Rann (Author: Unknown)
poem 78
78.
5257] RI Rodasáer uascechmúr
arcechn-irgail, réim rogúr,
connachasclai cath no crech
aned bai Essu atoissech.
5261] Robris for trichait cath crúaid,
ruc acoscur anglanbuaid,
con-ilur muirech, mod neim,
cotrichait ruirech roreil.
5265] Oshunn báth Éssu mac Nún,
atoisech tolaib tromthúr,
liunsatar cach dib foleith,
rodiultsatar aCoimdeid.
5269] Fichi bliadan ocus chét
aés Éssu meic Nun rian-éc,
cor'hadnacht, fograda greim,
inTamara, isleib Effraim.
5273] Ri robai riambetha bann,
dorigni retha retglann,
conrotaig cechngrád hicri,
inrí rán rodasaeri.
Ri rodasáer uascechmúr.