Corpus of Electronic Texts Edition
Saltair na Rann (Author: Unknown)

poem 69

69.


4873] Orddaigid inn-eclais n-uaig,
dogres immedon intsluaig,
se sluaig rempi, rígda gair,
ocus sé slúaig 'nadegaid.
4877] Nocolaimed nech dontslúag
macc n-Israhél friimluad,
dochois nalaim, comrac cuir,
friclar dontabernacuil.
4881] Treb Leue colini théol
immoneclais cenanshéol,
friaimmarchur oscechcruth,
friasrethad, frisuidigud.
4885] Muinter nasacart fosmacht
ocimmarchur nan-anart,
batheisreite, srethaib srath,
immonn-eclais dianechtair.
4889] Drong nandeochain, derb lacach,
friimmarchor curtínad
cosnafuilgib, bamod ngle,
cotuidmib nadrumslaite.
4893] Sluag nasacart, sochla dal,
friimmarchur nacoemclar,
cocachcumtuch, cain allí,
conafothaib findruini.
4897] Senad nasruithi foleith,
amal bite 'nacomsreith,
iartimnaib De tiagait de
d'immarchur nasanctáre.
4901] Achethrimaicc conamblait
Aron indhuasalsacairt,
iarn-urd ríagla, ruathur nglé,
fri immarchur nahairce.
4905] Indarc huasal osintslóg
iarnacumtuch dodergór,
conaaidmib, aidble bainn,
cocilurnn lán dodegmaind.

p.72


4909] Arón amra, ard agair,
bahuasalsacart húasaib,
deichtimna De, digrais bes,
forabruinnib dobithgres,
4913] Treb Leue col-línib cest,
nocodlegat atairmesc,
friairdiu domuin, dín cloth
fricaingniu, fricathugod.
4917] Na aurraind tíri natúad,
na imfognam rige rorúad,
na snim no saethar, sliucht ngle,
acht dliged an-ecailse.
4921] Inri rosnordaig, reim n-uag,
etereclais ocus slúag,
indeclas diareir cogle,
insluag doreir naecailse.
4925] Indeclas conagradaib,
sruithib slógaib saerdanaib,
airbrib alaib uascechmaig,
ardib anaib ordaigid.
Orddaigid inn-eclais n-uaig.