Corpus of Electronic Texts Edition
Saltair na Rann (Author: Unknown)
poem 68
68.
4841] 'Clunid mothimna doléir:
narbardúrcridig 49 docheil,
nadénaid friu, ruathur mbras,
cuibdi, cardes no clemnas.
4845] 'Lam friidal nglethech ngal,
friethech, frigúforgal,
censaint, cenaccobur nglé,
maini caine cocéile.
4849] 'Cengail, cenecnach, gním cain,
cenetrad, cenduinorgain,
honoir tuistide, dreim nglan,
serc Dé ocus comnessam.
4853] 'Cométaid iarn-urd ríagla
inchaisc cachaoenbliadna,
ochoicid déc, isdin cert,
cosinn-oen febdai fichet.{folio 31 b 1}
4857] 'Foirbthi, feidli, feth cenchel,
foglaim ocusforcitel,
ladeichthimna, torum nglé,
cometaid recht n-imdibe.
4861] 'Ladechmada 50, derbtha bí,
primiti ocus primgeinni,
honoir doDia, digrais gair,
dogres isintabernacuil.
4865] 'Cách conaalmsain iartain,
iarndligud, iarndutrachtaiab,
isiarrúnaib cridi chóir
dogres iconglanaltóir.
4869] 'Nadermaitid timna nDé,
idna huimle aurnaigthe,
niburn-ecnaigid Dé dil,
nibforcétludaig, cluinid.'
'Cluinid mothimna doléir.'