Corpus of Electronic Texts Edition
Saltair na Rann (Author: Unknown)
poem 66
66.
4777] Foidit huadib Balám mbras,
badrui, bacóir, bacomadas,
diam-mallachad dicachbla
triabrechtaib adruidechta.
4781] Doluid foragabrai gluair
Balam ahucht inmorslúaig,
connágabdais cle fricath,
cotuaid Dé diamallachad.
4785] Doluid angel Dé diatraig
arcinn Baláim baethbriatraig,
nachareilic siar nosair,
asindfiad hitarrasair.
4789] Gabaid forbualad aheich
Balám baeth dicechoenleith,
conid arlassáir indláir
dondaithiusc airdairc imnair.
4793] 'Cenombuala fobagaib
lat'feirg, lat'bruth, aBaláim?
nimleic angel Dé nachleth
conachlaidiub derg tened.'
4797] Forcongart tóisech intsluaig
forBalám cennachglanbúaid:
'asinbaile atái triabrath
deni uait ámallachad.'
4801] Asoslaic Balám agin
friathesc n-alaind n-imdil,
uran uair balán dorath,
nirochan acht bennachad.
4805] Tuargaib Balam aguth ngluair
darasargud inmorslúaig;
diambennachad, monar ngle,
forfeimdes ahergaire.
4809] Nirás nachnduine dalbda
commus huili aaurlabra,
isderb is lam'Choimdid cain,
rodelb nem ocus talmain.
4813] Macc Beoir, bág mbuiden mbras,
baleor plág friag n-amnas,
forset saer, deochair triablait,
uair bafael feochair foidit.
Foidit uadib Balam mbras.