Corpus of Electronic Texts Edition
Saltair na Rann (Author: Unknown)
poem 65
65.
4745] Dochuáid aclu forcachleith
coscélaib atrénmiled,
corolín cechtuaid toirsi
arhúamun am-mórloingsi.
4749] Dodeochaid cách dicachtreib
cosinsoerslúag n-anaichned,
sluag cechthiri, derb colar,
con-ilur mili Moáb.
4753] Rosgab crith grainne atcha.
eter tír iscathracha,
robaid brig nasluag nasreth
cengnim, cengail, cengasced.
4757] Tarchomail cach cumtaig arg
cosinslóg serig serbgarg,
nifrith dib tuath trelmach, trén,
gabad friclainn n-Israhél.
4761] Tinolsat dóib, torum ngle,
cethricatha coimtide,
{folio 31 a 2}Seon, Bassan, badbda slóg,
amra Moáb isAmmón.
4765] Memaid remib, ruathar ndein,
forsnacethrib slógaib sein,
cirtis cerpaib incath cron
forleccaib arddaib Arnón.
4769] Dorochratar ann frigail
forsnaslébib slamdergaib,
sessiur sescat cet frilar
ar secht mílib, bamorár.
4773] Ri dosfuarggaib, uathmar ail,
cathaib cródaib comramaib,
p.70
aclú cenchiabair cechleith,
iarsin iarmaib dochúaid.
Dochuaid aclu forcechleth.