Corpus of Electronic Texts Edition
Saltair na Rann (Author: Unknown)
poem 59
59.
4621] Ri Rosbiath iarn-urd riagla
frire dáfichet bliadna,
isindíthrub, digrais scél,
dithreib dec mac n-Israhél.
4625] Ri thuc doib inmaind donim
frituara tarbaig, nderbdil,
ocus indiall én diadéoin
conabetis cenhurféoil.
4629] Ri thuc doib sruam usci uair
asindailig reil, rachruaid,
cechblas bamaith leo fonim
fogeibtis forsnuscisin.
4633] Nadáthuaith déc centrebad,
mnáib, maccaib istrénferab,
soillsidir ingrein alí,
inri réil rodasbiathái.
Ri rosbiath iarn-urd riagla.