Corpus of Electronic Texts Edition
Saltair na Rann (Author: Unknown)
poem 56
56.
4541] BAmertnech Moisi, mod n-uag,
frihilchaingni, friimluad,
friaforcetal ascechcruth,
friasrethad, friasuidigud.
4545] Friorddugud caich fomám,
isfriimmad an-ilgrad,
fricuibdigud foglóir glain,
friatinchosc, friatimmarcain.
4549] Friambid coóg, forecht run,
frisreith iarslecht naslógdún,
fohuamun Dé, dind arthlus,
cenhúabur, cenimmarbus.
4553] Dorat achliamain coglé
comairli maith doMoise,
'guid dondRíg reil, reim fobaid,
nech dontsluag dot'imchobair.'
4557] Rogaid Moisi, monor nglé,
iarsin forríg nair nime,
corothogad nech dontslúag
diachobair fricachn-imluad.
4561] Inri doraiga triarath
asintslúag frisid sonthach,
frietargleód caingen nglicc
dáfer déc istrifichit.
4565] Sessiur derb dib docachtreib
dobrithemnaib bronngaethaib,
fricocairt caingen, gnim ngle,
forbélaib morglain Moise.
4569] Cangnib gleraib, gloraib cacht,
ardib trenaib tocomrac,
laMoise modmar cenmeth,
sech bamolmar, bamertnech.
Bamertnech Moisi, mod n-uag.