Corpus of Electronic Texts Edition
Saltair na Rann (Author: Unknown)
poem 55
55.
4501] Rocluned cach, clu cengeis,
tan teged Áron d'eclais,
dó dicechleith deoda tíi,
cantais céola clucíní.
4505] Ado secht ndeich, comgrinn cóir,
tuidmide dronmind dergóir,
ocus ubull dondór gle
eter cech dá cluicíne.
4509] IArnacumrech, cumnech gloir,
dichocholl huillnech Aróin,
p.66
iarnacrechad, crichid cruth,
iarsrethad, iarsuidigud.
4513] Aron baamru cech n-ail,
saided 'sintabernacuil,
centathair diagrad foglóir,
'nachatháir druimnig dergóir.
4517] In chathair chóir, cain acucht,
centathair donprimsacurt,
lór duis fiadcachdruing dein,
adruim frisintuiridein.
4521] Dothairced cach dib adáil
docechleith immonsanctáir,
senad sruithi, sóerda slóig,
dofuctais recht iscanoin.
4525] Achethri meic, monor ngle,
Aroin uasail meic Amrae,
bitis frigartglóir, cain cacht,
osaltóir nóib nan-edpart.
4529] Slúaig nasacart, srethaib grád,
cach dib 'sadruim friachoemchlar,
dondeclais noeb bamasse,
fricumtach nacóemclasse.
4533] Nafograid ann friandeochair,
nadeochain, nasuibdeochain,
friannad caindle, gnim cert,
fritairbe, fritimthirecht.
4537] In slog biid ifus frifeis
docechleith immonn-eclais,
séolaib soidngeib, suilgib srath,
céolaib cuibdib rochluined.
Rocluined cach, clu cengeis.