Corpus of Electronic Texts Edition
Saltair na Rann (Author: Unknown)
poem 54
54.
4481] Raidid Moisi frisinsluag
arnabetis forimluad,
flesc cachatreibi cengeiss
dothabairt leo dondeclais.
{folio 30 b 1}
4485] Nech assa flesc, buan bolud,
úraigfes foalantorud,
toimled dodeoin De, din ngle,
ord saer nasacerdóte.
4489] Clannaid Moisi doib cechfleisc,
batuaslucud domorcheist,
flesc Ároin, amra bolud,
rothaitni folantorud.
4493] Rooirdned Aron insain
isacerdóti in phopail:
dorairned diumus namborb,
roairbered cechfodord.
4497] Mosi mórglan, moltais máil,
targai inslograth 'nasóerdail,
clethaib cialda, gair cencleith,
iarrethaib ríagla ráidid.
Radid Mosi frisinslúag.