Corpus of Electronic Texts Edition
Saltair na Rann (Author: Unknown)
poem 52
52.
4429] Ri roráid friu aithesc n-uag
dohorddogud forsinsluag,
immonn-eclais n-ena n-aird
tritreba docachóenaird.
4433] Tritreba condéni anair
greni friturcbail toebdein,
isatrí dondleith aniar
frisreith, frifuiniud fírian.
4437] Tritreba dondleith andes
cencleith frifeba firles,
isatri tecrais cech mbuaid
frisinn-eclais afírthuaid.
4441] Ri roraidi friu triarath,
friaiffrenn, fricelebrad,
treb Leui lerol cengreis
im-medon, immonn-eclais.
4445] Indaramac d'Ioseph án
p.65
Mannasse mílib ollgrád,
dessid iarndligud Dé de
in-inud trebe Leue.
4449] Rí dorat Áarón fosmacht
combahe baprímsacart,
ocus Moisi, mo cech n-ail,
itoisigecht inpopail.
4453] Ri betha buirr, buan ablat,
ri domuin
[...]
dorosat,
ri oscach ríg, cengleo cert,
ri roraid friu inn-athesc.
Ri roráid friu athesc n-úag.