Corpus of Electronic Texts Edition
Saltair na Rann (Author: Unknown)
poem 49
49.
4137] Forfócart Moisi fonert
forsinsluag bái 'nacoimthecht,
iarsin frire teora n-úar,
coromarbtais inmorslúag.
4141] Conar'choicled, croda gair,
nech amáthair no athair;
no diabráthair, bág comblait,
no diachaim, no diacharait.
4145] Roshort Moise, monor ngle,
etercethri ocus duine,
eterfiru ismaccu ismna,
dosrat fochlaidiub diglá.
4149] Rumenmnaiged lais iarsein
indelb dindór derg demein:
doridnacht doib, nirbothruag,
trianambiud donmorslúag.
4153] Dorimnai Día, torom ngle,
acosc censil comairge,
iarn-urd gaissi, croda cacht,
isforMoisi forfócart.
Forfócart Moisi fonert.
p.61