Corpus of Electronic Texts Edition
Saltair na Rann (Author: Unknown)

poem 42

42.


3897] Ri roráid friMoisi cotrén:
'abbair friclaind n-Israhél,
dentar leo, lathar ngle,
uan d'idpairt cachoentige.
3901] 'Uan firenn bliadne insein
cengaili nduib no temein,
afuine forgris cechcruth,
cenachnáma dobrissiud.
3905] 'Frithalid inn-uan cenlocht
doidpairt incachoenphort,
ahithi istig cenni immach,
cossaib cenn isinathrach. {folio 29 a 1}
3909] 'Menibe istig, torum ngle,
dodoenib lin ahithe,
taet nech ammuig onachdrung
cach uaib inahiallacraund.
3913] 'Lalubai lachtoc, luad ngle,
laharán nemdescaigthe,
bachla forláim, línib ell,
forcressa forn-imthimchell.
3917] 'A ithi forsessam sain,
ahfuil fofarn-aursannaib,
diaforraib, fuidel foleith,
aloscud duib iteneid.
3921] 'A denam dogres insein
docach oen incach oentreib,
doforaithmet, monar clecht,
fortuaslaicthi aEgept.'
3925] Atat inmuirig fotráig
doruirig nimi noebnáir:
dorat mór ndígal hicri
forrigab ri roráidi.
Ri roráid friMoisi cotrén.