Corpus of Electronic Texts Edition
Saltair na Rann (Author: Unknown)
poem 41
41.
3869] Bahuamnach Forainn amne,
iarsin roraid friMoise:
'maith limm dula doib forfecht,
masomaith latuaith n-Egept. '
3873] Dodechaid Moisi diathig,
atreib Forainn forúabrig,
conhécaid coglan inscél
dodagdainib Israhel.
3877] Amal dochuaid Moisi uad
forcongart cuce inmorsluag
dorat fohír forcachsmacht,
rolín dímus isdasacht.
3881] Asbert Foraind censena,
friachlanna, friachenela:
'fortuatha De, torum nglé,
tabrad cachtormach ndoére.'
3885] Batar toirsech intuath trúag
friMoisi aran-imluad;
'acht furail saethar issmacht
nifuaramar ni dufortacht.'
3889] Radid friu Moisi combúaid:
'nabid fribaisi mbeltrúaig,
p.57
dal De donessai cechrainn,
bidtressai indás bág Foraind.'
3893] Ardrí Egept, ilar nglonn,
ri góach, guinech, garblonn,
batarb tnu frigleo, fricath,
aned babeo bahuamnach.
Bahuamnach Forainn amne.