Corpus of Electronic Texts Edition
Saltair na Rann (Author: Unknown)
poem 39
39.
3813] Ri dorat fleisc mblaith mbalnái
il-laim Moisi meic Amraí
{folio 28 b 2}diar'lass indrub, rígda scél,
imrún ríg isléib Choréb.
3817] Rí rorádi codána
friMóise taidbsiu alama,
indarahuair dí baclam,
induair aile bagléglan.
3821] Rí dorat sain frisam lái
doMoisi, domac Amrái,
p.56
isamlaid sain, ségda insmacht,
'dogress dogensa tofortacht.'
3825] In ri rofaídi fritóir
dochlannaib aibni Iacóib,
dochath labrethir nDe dil
friForann conadrúidib.
3829] Rí rochart Moise forfecht
coForann, coríg n-Egept,
cotarlaiced uad cenlén
clanna amra Israhel.
3833] 'Manistarlaice coluath
meicc Israhel, línib tuath,
fóidfet mor ndigal dishain,
'modílfat uad arécin.'
3837] Ri fotat huili nasloíg,
isshé artuire dergoir,
ninlen cloen, nago, naceist,
ri dorat dó inmblaithfleisc.
Ri dorat fleisc mblaith.