Corpus of Electronic Texts Edition
Saltair na Rann (Author: Unknown)

poem 38

38.


3789] Báe lathi Moysi immuig
isleib Choreb 'coachairib,
conidnarlassair inrí
atathlassair teintidi.
3793] Ri roforcongart amne
formac n-amra, forMoyse,
roraidi fris, ruathar cert:
'isferr duit dul in-Egept.'
3797] Roraid Moysi, monor ngle,
'nituidecht frit' forngaire:
rofetar fein, febda bainn,
amfer ecraite doForaind.'
3801] 'Heirgg lamobrethir forfecht,
arcenn intsluaig in-Egept:
notnoibfaider fiadcachclaind,
notsoerfaider forForaind.
3805] 'Bera uaim comartha lat,
notsaerfa forecomnart,
conach fil ni n-uag fonim,
coni tichtain frit'menmain.'
3809] Fofuair mor dobuáid cenbrath,
mor n-ecnai uaig con-ógrath,
con-uaill, bamór ngaissi nglé,
fofuair Moise, bái lathe.
Bae lathi Moisi immaig.