Corpus of Electronic Texts Edition
Saltair na Rann (Author: Unknown)
poem 22
22.
2673] Sluáig sil Adaim, aidbli druing,
condanaib domuin dessduind,
rodomnad, ostrebaib dal,
dofognam Demuin codermar.
2677] Ondairiur astorgaib grian
cofuiniud, forgal fírian,
rodamnad, fodigail dacht,
d'adrad hidal isarracht.
2681] Onduair atbath Noe nar
coaimsir n-aurdairc n-Abram,
nifrith dib oenfer foleith
nohetraiged inCoimdeid.
2685] Rodiultsat an-Dia ndil,
roliunsat infirchretim,
tair ocus tiar, tess is tuaid,
rodasgab cess conglanbuaid.
2689] Arcathbarr cenduithi dath,
isbrathlang brúithi bidbad,
nidúi doi indrongaib artuath,
arsúi soi slonnaib srethsluag.
Sluag sil Adaim, aidbli druing.