Corpus of Electronic Texts Edition
Saltair na Rann (Author: Unknown)

poem 13

13.


2389] Ri rorádi frisil Seth
comet angnim cocomtren,
cenoentaid immuich nataig
friclainn Can miscadaig.
Cendula darséis nosmacht

p.35


dartimna indrig dorosat,
foriagail roithenaig réil
cenchardes friclaind Caen.
2397] Cenimcloemclod, maine mass,
cenluige, cenlanamnas,
cenchuibdi clethi no cuil,
'céin bethi fordruing33 domuin.'
2401] Roaintadaigsetar iarcein
sil Seth ocus clann Caen,
corothuismiset iartain
trenfir ocus trenchoraid.
2405] Clann Chan ocus sil Seth
roóentaigset cocomthren,
condeochatar darcachsmacht
d'adrad idal isarracht.
2409] Romiscnigsetar Dia ndron
achlanna cenimmardol,
corochinn iarnangnimaib
atabairt fothromdigail.
2413] Inri corath ríge drong
frisnagaib cath no comlonn,
cain conoibi, blaith alii,
ferr cach ríg rí roradi.
Ri roraidi frisil seth.