Corpus of Electronic Texts Edition
Saltair na Rann (Author: Unknown)

poem 11

11.

{folio 22 b 2}
1469] Ri doridnacht talam tlacht
doAdaum iarnatharmthecht,
nirbo dímdach doDía dein
manbad airchra diaaimsir.
1473] Bái Adam sechtmain ifos
iarnathathchor aPardos,
fritoirsi centein, centech,
cendig, cenbiad, cenheted.
1477] Húair rombatar imbochtai
dochúatar in-huachtgortai;
mor doimaithbeur incachthan
bái eter Eua isAdam.
1481] 'A Eua choir crotha cain,
artroig tra dot'impartain,
fuarír, ronlad aPardos
triat'mignim, triat'immarbos.
1485] 'ISmor forfacsam domaith
orochradsam arn-ardflaith,
Pardus ronbai fogairm glain,
conahuilib airmitnaib.
1489] 'Oetiu, failti dún roclos,
slainte, aine, oebinneos,
bruigi balthai, glannai cruth,
lubai amrai, airfitiud.
1493] 'Sassad saeri, sid slan sain,
nassad noibi d'anmannaib,
aithbi derrit, hilar ndú,
cobrai menic friaingliu.
1497] 'Bithbethu iarmbes forDé deis
dogrés imbrugaib Pardais,
ir-robatar fogne chain,
duile De 'coarn-airmitein.
1501] 'Nahuili anmann fonim
dosrossat moDia derbdil,
forgreim oscachdinn condath
issind nodosordaiged.
1505] 'Nínloiscfed tene, delm ngle,
ocus ninbaidfed (usce),
nafaebur fédim, met gal,
nateidm, nacredemgalar (?)
1509]
'Nibai dodúilib De dil
duil nothissed friarmenmain,
innim natalmain diarcur,
acht int-angbaid Lucifur.
1513] 'Cid Lucifur, linib sess,
nichoemnacair arn-amless,
cein bamar forecht, reim ngle,
iartimnu, íarforngaire.
1517] 'Húair rosáraigsem Dia dil
dorat dún nahuilisin,
oscachdinn cachduil 'malé
atat frinn hicotarsnai.
1521] 'NiDia robolochtach rind,
aEua chorcra caemfind,
issinn rosáraig inflaith,
ciarontáraig diabithmaith.'
1525] Roráid Euá, arbai hicacht,
hitruage iartarimthecht:
'aAdaim amrai oscachmaig,
cid nachammarbai im'chintaib?

p.23


1529] 'ISme dochoid darsinsmacht,
isme doroni intarmthecht:
coir duit momarbad dishain,
amothigerna, aAdaim!
1533] 'Acht cotorchrorsa, delm cert,
im'chinaid, im'tharimthecht,
mote dogentar cogle
frit odoDia trocaire.'
1537] 'IS lor rochráidsem indrig,'
arsé, arAdam, cendimbrig,
'aben, níden fingail fort,
ciabeo ingortai, ciamtoebnocht.
1541] 'Nihimmer molaim, luad neim,
form'fuil nach form'feoil fodein,
cidmor dolocht, linaib gal,
isdom'chorp forcoemnacar.
1545] 'Nocochoir duin asnachmud.
atherruch dia athsargud,
nadernai infirflaith, aben,
arndibad, arlándilgenn.
1549] 'Nádechsam huaid huidi cían
lademnu ifudomnaib pian,
nacharndilsi Dia dochur
dorisi doLucifur.
1553] 'Nifail maith foarndalaib,'
arsi, arEua, 'aAdaim,
cenetach dun, centech te,
cenbiad atbelam gorte.
1557] 'Ronbáe biad, ronbai tlacht,
céin bamar centarimthecht,
iartarmthecht dún isiarndial
nicharfail tlacht no dagbíad.
1561] 'A fir, cuiri cuaird cenmeth
iarsét suairc forcachnoenleth,
dús infogebtha frifeis
dobiud dún ní domelmais.'
1565] Rola Adam cuaird coléir
hifocus, in-etercéin,
nifuair ni dobiud badglan
fodiud acht lubai intalman.{folio 23 a 1 }
1569] Lubai intalman, glas andath,
biad nan-anman n-indligtech,
nidadtlaithi dun frifeis
iarmbiadaib blaithib Parduis.
1573] 'A Euá denam cogle
pennait buan isatheirge,
corglanmais fiadrig narecht
ni diarcintaib, diartarmtecht.
1577] 'Dena mothinchosc dishain,
amothigernai, aAdaim,
húair nachfetar fiad cachrainn
cinnas dogníther pennaind.
1581] 'Dena mothinchosc coléir
iarth'intliucht, iardoglanchéil,
nadern féin forcraid nachthur,
naraib form essbaid d'oenmud.
1585] 'Adram incoimdid 'mole
hitoe, cenchomlabrae,
eirggsiu isruth Tigir trén,
isragsa isruth n-Iordanén.
1589] 'Trila trichat, torainn ndil,
dobith duitsiu isruth Tigir,
mésse in-Iordanén fosmacht
secht la caine cethrachat.
1593] 'Beir let licc clochi cobsaid
fot'suidi, fot'choemchossaib,
corucsa limm licc n-aili
fochumma, fochosmaile.
1597] 'Coraig incloich isintsruth,
dena fuirri fothrucud,
batuicse amalbiae comblait
coriae int-usce dobragait.
1601] 'Thofolt scailti cechcruth cenmeth

p.24

iarsinsruth forcachn-oénleth,
bi hitost frisnim sneid sain,
dorosc féig frisna nemdaib.
1605] 'Suidig dodalaim cechthrath
friruirig nime noe ngrad,
guid iarfirdul ciabé hitoss
imdilgud dot'immarbos.
1609] 'Nidarglain d'acallaim Dé
iartarmthecht, iarn-inglaine,
arnidat gleóir glethig gle
armbéoil ethcich elnide.
1613] 'Aitchem nahuili duli
rodelb Dia triaglanrúni,
corguidet lenn rig narecht
imdilgud diartarimthecht.
1617] 'Deni inchruthsain domod maith,
ocus attaig infirflaith:
cororcoemchinni cogle,
nitgluase, nitchumscaige.'
1621] Secht la cethrachat cenlén
d'Adaum isruth Iordanén,
trila trichat d'Euai dil
hisruammaib srotha Tigir.
1625] Aingeil De cachlá donim
oDia dothorromu Adaim,
diaforcetal feib roddet
cocenn nói laa ndeec.
1629] Rogaid Adam hitgi thren
iarum forsruth n-Iordanén,
cotroisced lais forDia ndil
conahuilib hilmilaib.
1633] Tarrasair insruth 'nathoss
diaremim, diaanforos,
inrigsruth diarith roan,
cotarddad dilgud d'Adam.
1637] IArsin targlammair insruth
cechmíl beo bái 'nacrisluch,
lín acuiri cruth rosgab
combatar huili imAdam.
1641] Rogadatar diblinaib,
Adam, sruth is ilmílai,
truag rofersat annual n-án
frisluag n-úag na nói noebgrad.
1645] Corguiditis leo cenchlith
nahuili grada aCoimdid,
cotardad Dia dilgud nglan
cennach ndibdud doAdam.
1649] Gadatar Dia cotasgeib
nanoingrada con an-airbreib,
imdilgud d'Adaum hifus
diagábud, diaimmarbus.
1653] Dorigni Dia aragradaib
slandilgud cinad Adaim,
con-aittreib thalman cechthan
connem nallglan noebúasal.
1657] Ocus rodilig iarsain
diachlannaib, diachinedaib,
acht inthé natibri cert,
téis darreir nDe in-anrecht.
1661] Marrochuala Demun dub
dilgud dothabairt d'Adaum,
'ragsa iarfebai coglé
dochum n-Euae dorise.
1665] 'Conostuc astsruth triathlás,
conasrucur rith forbás,
corobadur ni diamud
'moacrabud dochumscugud.'{folio 23 a 2}
1669] Doluid Lucifer luath laind,
infáil feochair firthuachaill,
mar hela ir-richt angil gil,
coEua dosruth Tigir.
1673] Roraid ria int-angel rosmert
darlia, badiaairchisecht:

p.25

'aEua fíal crotha gil,
iscían atái isruth Tigir.
1677] 'A ben, ciarbogle dochruth,
rochoemcláis gné 'singarbsruth,
cennach mbríg mbládbrais rofeis
rotmarbais, rotmudaigeis.
1681] 'A ben, tair ardoDía ass,
nabi ní sia istsruth amnas:
dori ruad romfáid forfecht,
uad tánac dot'tairchissecht.'
1685] IArsain tic Euá asintsruth,
bai fortir 'cotirmugud,
dosfánic nél iarsétsain
cotarmairt héc cenanmain.
1689] Nihaithgen Eua cogle
Lucifer linib hilgne,
donbanscail febdai bá hirc 26,
báe amenmai icumtabairt.
1693] 'A Eua, cid arnotgeib?
ismor dogni d'imrateib:
cucut glethánac donim
laforngairi De derbdil.
1697] 'Tiagum ass dochum n-Adaim,
aben, nábi ichildalaib,
gadamar huili Dia ndil
imdilgud duib forcintaib.'
1701] IArsain dochuatar cotrén
corice sruth n-Iordanén,
coAdam, huastreba tor,
Eua án is Lucifor.
1705] Marrodeir(c)e Adam astsruth
forEua, for Lucifur,
rongab crith, balan dogail,
rol-lin grain gnuisi Diabuil.
1709] 'Monuar, aEuá fechtai,
rotmera dothuicthechtai,
fer thánic lat forfecht foss,
ishé rotmert hiPardos.
1713] 'A Eua truag, centucht ndil,
cid dotfuc osruth Tigir,
cenforngaire rig rechta,
cenangel nglan coemthechta?
1717]
Maratchualá Euá insain,
reba adchosain Adaim,
dosfuit forlar, luid is-sás,
isbec nadechaid dianbas.
1721] 'A Lucifeir, a Demuin,
cid 'moatai diarlenamuin?
rongailaigeis, cían roclos,
ronbaithaigeis híPardos.
1725] 'O roscarsatar arcuir
nacharlén, a Lucifuir:
triat'chuimleng itám hicacht,
nichuingem dochomaitecht.
1729] 'Nisinn rogab domaithius,
nó rotchuir ot'firflathius,
nisinn rothimgair fochlid
dochor dodindgnaib richid.
1733] 'Nisinn rogab nasosta
batar fout, ahanfosta!
nisinn rotscar frit'sluagu,
frit'cheolu, frit'hilbuadu.
1737] 'Nisinn dotrat fochairib
ot'brúigib, ot'mormaigib,
condatfil fodeilb Diabuil
triabithu fobithphianaib.
1741] 'Nisinn fotragluais donim,
ahanbhuais! triat'imresain:
nisinn rotscar frit'gnim cain,
nisinn rogab th'airmitin.
1745] 'Nisinn rotla ot'soillsib,
fotrochess ot'mórchoimsib,

p.26

dadotfail fodein toimdig
imbithphein, imbithdorchib.
1749] 'Dochumthocbail frírig recht
iarfír dotrat in-amnert,
fofuarais mor doduilgi
triat'diummus, triat'anhuimli.
1753] 'Cidtái diarfagail hifus
huáir dorralaid oPhardus,
ronslátais 'moarmbethaid nglain,
donrátais icomrarcain.'
1757] 'Incuman lat, a Adaim,
nafuarus d'ulcc fotdagain?
mochur domaig nimi nair,
mabith fothrúaigi digraid.
1761] 'Incuman lat, aAdaim,
nafuárus d'ulcc fotdagain?
mochur acomgnais angel
in-hIffern ndúr ndáirdangen.
1765] 'Incuman lat, aAdaim,
nafuarus d'ulcc foddagain?
mochur fochrithdelm chaire
in-Iffern cet ngolgaire. {folio 23 b 1}
1769] 'Incuman lat, a Adaim,
nafuarus d'ulc foddagain?
mochor aflaith Fiadat find
itír síanbrat siriffirn.
1773] 'Incuman lat, aAdaim,
nafuarus d'ulcc triat'dagain?
mobith fochiabair cengrad
fodeilb Diabuil, fodóermam.
1777] 'Incuman lat, aAdaim,
nafuarus d'ulcc fot'dágain?
niraba cenchith, cenchath,
onló rodattuistigad.
1781] 'Trúag a Adaim dodigail
tríat 'dágain dún diblinaib,
dochursu abrug Pharduis bil,
ismochursa donaebnim.
1785] 'Adfiasa duit cenbréc mbrais,
orsam heolach set senchais,
féib leir donralad donim,
missi ocus tússu, a Adaim.
1789] 'Diatarat Dia tinfed nglan
dochum dochuirp ítalam,
rodelgnad fricachduil tind
inlá rodelbad t'anim.
1793] 'Diarotchruthaiged coglé
fochosmailius deilbi Dé,
dian-erbrad fricach nduil ndil
cotissed dot'airmitin.
1797] 'Diarfáid Dia Michel donim
cucut sechcach, áAdaim,
conotruc foglanblad glan
doadrad inDuleman.
1801] 'O r'adrais rig narecht rinn
Fiadait fír foroll forfind
roidpart Dia cach nduil dein
tribithu frit'airmitein.
1805] 'Diarfóed Dia Michél cach
con-angliu, con-archangliu,
cotistais cenmerbi mod
doadrad adeilbiseom.
1809] 'Diarfaid Dia Michel, mod ngle,
dochur cuarda secht nime,
cotuc nói noebgraid inraith
in-oendail cosinfirflaith.
1813] 'Roraid Michel frim iarfír
cotissainn d'adrad indrig,
cenfuirech, cenchoised cath,
combad me toisech tissad.
1817] 'IArsain dodecad fodeoid
laforngaire maith Michéoil,
cotarrasar fom'niab glan
hifiadnaissi inDuleman.
1821] 'Rorádi rinn inri rán:

p.27

'cluinid alucht nanoingd!
tabraid uaib airmitiu glan
dom'chomdeilbsi, doAdam.'
1825] 'Roraid Michel frisinrig
athesc firen cen dimbríg:
'cóir docachgrad cocruth chain
dochomdelbsu d'airmitain.'
1829] 'Radimse friDia asmothas
athesc feochair firamnas:
'nach hé Adam, herim ngle,
óssar nandúle n-uile?
1833]
'In córu insinser iarsreith
dodul d'adrad intsósair,
fó insósar, cendalbad ndil,
ischóir d'adrad intsinsir?
1837]
'Roraid trian intsluaig cogle,
eterangle isarchangle,
roforgellsat fiadcachthur,
'isfír forsta Lucifur.'
1841] 'IArsain rorade guth Dé:
'cluinte, a Lucifuir coglé!
bidhe intsosar bashuasal
cein beosa 'coadinduasad.'
1845] 'Ciathíasat lucht noengrad cain
diaairmitnigud Adaim,
niragsa dó, digrais cruth,
huair imsiniu hituistigud.
1849] 'Romla fochetoir donim
Día, triat'chinaid, aAdaim,
iarfrithtuidecht damsa amne
fathimna, friaforngaire.
1853] 'Uair nádernsam cuibdi nglé
nahuimli friaforngaire,
ronfáid lín arsluaig
[...]
sing
cenbuaid indochum n-Iffirn.
1857] 'A Adaim, ciabadhe dodúis,
nimmanfacamar dognúis,
triat'chinaid ronlad coglan
donimib dochum talman.
1861] 'IArsain tarrasarsu hifos
dararn-essine hiPardos,
basonmech duit ascachcruth
manitissed cumscugud.
1865] 'Rothacrus cogér iarsain
tren doratus domenmain,
missi hipíangubaib fogreis,
tússu ingrianbrugaib Parduis. {folio 23 b 2}
1869] 'Amrubart brec cofoigli
frit fein, frit'mnai codailbi,
ismaith amrorfus mogus
conabtorlus aPhardus.
1873] 'Atberim frit aithesc ndron,
ancondníis d'ulc is d'herchol
innim, hitalmain iartain,
isfrit dogen, aÁdaim.
1877] 'Mannerat cachni 'sinbiuth
imdochlaind, imdochiniud,
icathaib garbaib cenchleith,
ingalraib, itedmannaib.'
1881] O rofersat angriss nglain
andíss ocan-imressain,
dofuargaib Adam astsruth,
rofáid uádaib Lucifur.
1885] Bái Adam iarsain coglé
bliadain forbruig betha ce,
cennech n-aili, foendul feb,
acht se oenur 'sa óenben.
1889] Centorud tren, delm nglanna,
acht fér, cuit nan-anmanna,
cenbiad, centenid, centech,
cennós, cencheol, cenhétach.

p.28


1893] Ocool usci dabois builid,
dodig (sic) forsnaglasluibib,
hifoscadaig nacrann nglan,
inhuamaib tírmaib talman.
1897] Ruc Euá gein, cáin inbert,
fochetoir rogab himthecht,
maith atreoir trebair diathreib
icbuain indféoir diaathair.
1901] Fristoimsidir dath aball
soillsidir óen naretlann,
builid, ballda, bládmar, bras,
badba, feochair, fíramnas.
1905] 'ISmaith robai Dia rind,
a hEua fossad, herfind!
rombái mor domgáes hifus
triabáes nach dotromarbus.'
1909] Rogart Adam ainm diamac,
Can27 garb, cróda, comnart;
ranlin mebul ocus brath,
duine dremun, discailteach.
1913] O roairchis Dia fodeoid
doÁdam ichithi indféoir,
crichid imroraid coglan
ismithig cobair d'Adam.
1917] Foidis Dia Michel, mod nglan,
donim dochum natalman,
combríg cachthoraid
[...]
dil,
is cosílaib écsamlaib.
1921] Cotart doÁdam iarsreith
friadanad cachsil sáindleith,
iscor'thinchoisc dó cogle
ordugud natrebaire.
1925] Rosdechraig dó forlicc glain
cachluib tricc ticc triathalmain,
'sna huili aidmi corath
batardaingne fritrebad.
1929] IS rothaiselb dó iartain
cech mil beo bái fortalmain,
'dena frit'fognam coglan
andomnad, andegdamnad.'
1933] Secht mbliadna iarsain coglé
coruc Euá gein n-aile,
doAdam, bacain ingial,
mac diarbochomainm Abial.
1937] Togaide De, torum ngle,
duine firien firfuirbthe,
robai iarcomram De dil
icfognam diathuistidib.
1941] 'Dotharfas aslingge dam,'
arsi, arEua friAdam,
'fuil Abeil, condruine dein,
dool huile doChaen.'
1945] 'Tabair domenmain insain,
amothigerna, aAdaim,
huamun lam'cride, lam'cheill,
Cán domarbad Abeil.'
1949] 'A ben, cobérthair insain,
madmaith laDia nderbdemein,
nibíat in-oentaig frifes,
biaid cach díb innathegdais.'
1953] Dorigni Adam dáthech,
tech docechtarde forleth,
tech doChán, cain intrial,
ocus tech aili d'Abial.
1957] Foidis Día Gabrial nglan
conderfis scéoil cohAdam,
'Can ciar, garbdai, cenchéil,
atá ictrial marbtha Abéil.
1961] 'Acht nafinnad Eua húad
inscel frifeba firthrúag,
Can ibas dig diafuil,
uair ismac diles Diabuil.
1965] 'Nacumscaiged tra forcial
ciamarbaid Can Abíal,

p.29

rombia mac achrotha glain
diamba comainm Seth saindil.'{folio 24 a 1}
1969] Bretha doAdaum roclos,
cengabud íarn28-immarbus,
sechtmoga mac ladis dein
achertchúmma d'ingenaib.
1973] Ri thuargaib dámac Adaim,
huasnatuathaib dermáraib,
Abél ocus Can caín,
conaclannaib comnartaib.
1977] Ri rothidnacht dodoenib
domun conadegmóinib,
babuidech d'Abial ochein
is badimdach doChaen.
1981] Ri dorúasat oscachcruth
nocoderna asídugud,
Can cuilech, garg athríal,
iarsin coromarb Abíal.
1985] Dácét mbliadan, mellach miad,
ised roposlán d'Abíal,
nidalb, adfiadar ochéin,
coromarbad oChaén.
1989] Inrí roraidi iarsin
rocachn-oen dichlaind Adaim,
aracomaltis areir
conaromarbtais Caen.
1993] Ciphé nodmarba fonim
Can isincinaidsin,
nigebthar friagnimrad gal
fair doberthar sechtdigal.
1997] IArsain dorat mori réil
comartha inchuil forCaen,
arnabeth fochlith incol
dobert cnocc foraheton.
2001] IArsin bamarb Cán cenrad
fescur inglind Iosofath,
diamben crann crom codocht dron
frisincnocc bái 'nahéton.
2005] Huair dorochair Can ann
inglinn Iosophath imgann,
ata fochoibchi chaire
centoirthi, centarbaige.
2009] Ri dorat Seth soer iarcein
d'Adaum inn-inad n-Abeil,
conidhúad silsat iarsain
clanna soera síl Adaim.
2013] Cethracha bliadan, nibalb,
adfiadar cenág n-ergarb,
fofeth cengalar, cenchath,
coragaib inSeth sílad.
2017] Arcoimdiu gle corúinib
bae ré rianaprimduilib,
dorimgart corp dochrí chain
inrí doridnacht talmain.
Ri doridnacht talam tlacht.