Part 11 of Saltair na Rann

Corpus of Electronic Texts Edition

Saltair na Rann (Author: Unknown)

poem 10

10.

1441] Rirorádi, eraim nglan,
friEua ocus friAdam:
'dochuabair huaim darmorecht,
nipta ni dom'deolaidecht.
1445] 'Eirgcid imbethaid mbáethraig,
seirgthig, snimaig, sirsaethraig;
toirsech, tróg, cenfiala fos,
forbia log farn-imarbos.
1449] 'Forclanna, formeic, formna,
fogniat duib cachoenlaa,
nochosta maith, monar nden,
conosti allus forhécen.
1453] 'IMmad n-onggalar fortá,
scarad cuirp ocusanma,
snim ocussaethar cechthan,
áes ocus críni chrithlam.
1457] 'Frithalid²⁴ aslach²⁵ Diabuil
cechlaithi cechoenbliadain,
nachforfuca lais diathig,

p.22

dochum n-Iffirn adhuathmair.
1461] 'Forngnimrada diamatglain
iarm'thimnaib, iarm'forcetlaib,
doberthar nem, noithech cruth,
dochach iarnachainairliud.'
1465] Ri richid ránmair, nisuail,
ri betha bládmair bithbuain,
nitlaith aglegraim cechtan,
ri roraid, éraim n-erglan.
Ri roraide, éraim nglan.