Corpus of Electronic Texts Edition
Saltair na Rann (Author: Unknown)
poem 7
7.
1081] Ri rorade aithesc nglan
friEua ocus friAdam,
toirthi Parduis, bag cengeis,
iartimnu De domeldais.
1085] 'Aratoimlid frisid sáin
toirthi Parduis, bolad náir,
ile, uile, aurdaig rann,
isdiles duib acht oenchrann.
1089] 'Cofessabair bith fosmacht
centruaigi, centochomrac,
censnim, censaethar frisreith,
cenaes, cenolcc, cenanim.
1093] 'Cenchrine, cengalar cruaid,
imbithbethaid combithbuaid,
farndul conem, nassad ngle,
in-aes togach trichtaige.
1097] Mili bliadan, buadach gair,
ocus se huara dohuaraib,
cengoe, cengabud, roclos,
robai Adum hiPardus.
1101] Dia artooir, derbait mail,
rodelb cech cooir comlain:
nitli tlaithcumtaig arcest
inrí roraid inn-athesc.
Rí rorade athesc nglan.
p.17