Fecht ann tanic rí Laigen do estecht fri precept & celebrad dia Cásc docum Brigte. Iar forba uird in chelebartha, luid ass in ríg for sét. Do-choid Brigit do praind. As-bert Lomman clam Brigte na tomelad ní co tuctha do armgaisced rig Laigen etir góei & claideb ocus sciath. Co rum-bertaiged fói. Luid techtaire o Brigit in degaid in rig. O medon lái cu nóna don rig for immarchor & ni roacht cid míle cemend co tucad in t-armgaisced uad, & co tardad don chlam.