Corpus of Electronic Texts Edition
Betha Brigte (Author: Unknown)

section 43

O ra forbad sollamain na Cásc ro iarfaig Brigit da h-ingenaib in rabai fuigell occu do lind na Cásc. At-bertsat na h-óga: ‘Do-béra Dia biad’, ol siat. Is andsin tancatar da ingin istech & drolmach lán do usci leo. ‘Ro-fitir Mac na h-Ingine’, ol Brigit ‘ata maith and.’ Doig lee-si co m-ba coirmm. Is deniu ráid amal at-bert-si sin ro soud in t-usce h-i coirmm togaide fo cetoir.


p.68