Corpus of Electronic Texts Edition
The Metrical Dindshenchas (Author: Unknown)
poem/story 122
DÚN CUIRC
- Dún Cuirc, cia lín uaib dan eol,
tan rolínad corbo lán
coire ar berbad, cuit in phuirt
cetadaig Cuirc ara lar?
- Is lé rolinad, ni gó,
ri Laithrind ingin Da Thó:
is í raorddaig in lucht
trí cét mucc is tri cét bó.
- Is í rochumsig iar fír
ar cind meicc in rig co run:
is h-í rodáil dóib in flaith
diambái in fer maith issin dún. D.