Corpus of Electronic Texts Edition
The Metrical Dindshenchas (Author: Unknown)

poem/story 119

MAG DÁ GÉSI

FIND MAC CUMAILL cecinit
  1. In lia notheilginn do grés
    dar Maig Da Gés co Druim Suain.
    ba fota m' irchor din chloich:
    mad indiu, noco roich uaim.
  2. Ni thoirchet mo dáil adiu
    dí ingin buid, buan-ban gleó,
    Iuchdelb ocus Lecco Dub:
    mór in glond dia m-betis beo.
  3. Mas é mo sáigul rosiacht,
    domriacht cech baegul, cach bét:
    aire na toirchet mo dáil,
    menip áil mo shechna ar éc.
  4. Bid Mag Da Gési co bráth
    dia n-esi cach trath, cid truag:
    bid maigen dedail cen dil
    on tshil roselaig rosúan.
  5. Robith mór láech ar cach ló
    sin maig maith co n-ilur chia
    dar Mag Da Gés in cach dú
    on dú do grés teilcind lia. In.

    6. p.326