Corpus of Electronic Texts Edition
The Metrical Dindshenchas (Author: Unknown)
poem/story 66
DRUIM SÚAMAIG II
- Feart Suamaigh sund ara leirg,
meic Samhdhuba co saer-ceird:
adbath ara tulaig tric
gan cath da cumaidh Cormaic.
- Dia tainic Suamach slatra
a n-deadhaigh a dheadhealta
meabais gan ceird ngaisgidh de
sa leirg ag faicsin bruigne.
- Tulach Dher a h-ainm ar tus,
(ader-sa ribh a deadh-rus,)
da raibi in Dagha data
and a caineadh Cearmata.
- Rob e-sin a h-ainm thall
re reimeas Tuath Dé Danann:
budh Druim Suamhaigh co brath m-beacht
a h-ainm la cach on céd-fheart. Feart.
p.240