Corpus of Electronic Texts Edition

The Metrical Dindshenchas (Author: Unknown)

poem/story 32

BEND BOIRCHE II

1. In eól duíb in senchas sen
   mara ris' m-ben Boirche bil?
   glas-mag na rón riss anair,
   in tress asnad mór meic Lir.
2. Bennán brectha, nírbu bláith,
   dorigne berta fir baíth:
   bennán do guin meic meic Lir,
   lennán dond ingin gil gaíth.
3. De roléic dia cride chrád
   Manannán, ba bine báeth,
   Loch Ruide, Loch curchach Cúan,
   in tress lind lúath, Loch Dá Cháech.
4. Atbath Ibel ós muir míl
   dia guin 'con níth, carad ceól;
   ‘sind léim fofuair in mag már’
   ind ingen án inna h-eól. In.