Corpus of Electronic Texts Edition
The Metrical Dindshenchas (Author: Unknown)
poem/story 30
RÁTH MÓR MAIGE LINE
- Ráth Rogein a h-ainm riasin,
hi flaith Bresail formna gil,
conustánic Mór iar tain,
ingen Rithir meic Derlaim.
- Coíca blíadan dí 'sin ráith
tar éis Bresail áith-rind áith,
dia luid Bresal fo loch Laíg
dia ralsatar fíanna faíd.
- Dia n-epairt in ben 'sin sceól
ná ticfad Bresal dia eól,
ba marb Mór ar bélaib cáich:
is de rolil inm don ráith. R.