Corpus of Electronic Texts Edition
The Metrical Dindshenchas (Author: Unknown)

poem 43

Currech Life

  1. Currech Life cona lí,
    is terc rí dia fodamair:
    rucad a chend úad i cían
    cosin slíab ós Bodamair.
  2. 5] Currech Life, línaib slóg,
    rothimsaig brón bán-bidbad:
    óen-fher do thamnad in troch
    matan moch — ba lán-ingnad.
  3. "Is mé Find, am féith fromtha,
    10] co cléith brogtha bróen-uillig:
    topacht co Bodamair mbuirr
    a chend co muing móel-Chuirrig." C.
  4. Roselt for Fothud in feidm,
    is dó ba deilm dóer-buillech:
    15] ba hinund brú rothochair
    Fothad ocus cóel-Chuirrech. C.
  5. Ingen maic Niad co méite,
    Téite, notharcitis tuir,
    ben maic Regamna co rind,
    20] do láim Find ferad a fuil.
  6. Din dáil-sin torchair Téite,
    dar cach féice fóen-buillech,
    is mac Eegamna robthaig,
    ocus torchair cóel-Chuirrech. C.

  7. p.236