Corpus of Electronic Texts Edition
The Metrical Dindshenchas (Author: Unknown)

poem 18

Alend

  1. Alend óenach diar n-ócaib,
    ráth Airt cona ríg-rótaib,
    fertas búada for a blai,
    conosfuair Fál mac Fidgai.
  2. 5] Fert in' rochland Conchend clí
    mac Fergnai, fer co find-lí,
    lerg-luam Lugdach, letrad cailc,
    forad ba Setnai síthbaicc.
  3. Brug forsmbíd Messdelmond dúr,
    10] leis conuargbad a ard-múr;
    is d' a brunnib attib dig
    Mess Scott Scegra di Laignib.
  4. Faithche Ruamaind, ruamnad rind,
    co falgib flatha forfhind,
    15] tír chadla, cathir crichid,
    grianán i m-bíd Andrithir.
  5. Ferand Fergusa fairge,
    orba uais co n-imarde,
    flesc Find maic Rossa rebaig,
    20] ríg-dinn Bresail Bregamain.
  6. Luchdond letrad lecne líach
    ótá Gabrán co Áth Clíath,
    i Fáil Segi snáad lind,
    ba garga a gluind im Alind. A.

  7. p.82

  8. 25] Bethir bethrach, breó co n-gail,
    lepad luithech do láechraid,
    fri ré Niad Corb, calma cend,
    ba h-adma alma Alend: A.
  9. Carpat Catháir, comrar sét,
    30] tailc rothairmchell triathu trét,
    lúad cech medra, monur n-glé,
    ard-rí Emna is Alinde: A.
  10. Fidchell Fhiachach, búadach rí,
    dracon daigrech, dron a chrí,
    35] ruamnais tria rígu rinne,
    nenaisc níthu Alinde: A.
  11. Brí Bresail beólaig fri gail:
    leis ba Tuaim Tenbad Temair:
    rí gorm for gabru grinne
    40] rochroth armu Alinde: A.
  12. Sruthar saeglond nodassaig,
    Segsa snás a Síd Nechtain;
    Life, luathem a linne:
    tibit tulmag Alinde. A.
  13. 45] Triar trén-fher, trialla clas,
    Buirech, Fiach is Aururas,
    it é cen meth, monor n-glé,
    acclaidset múr nAlinde. A.

  14. p.84

  15. Buirech focheird uad do ráith
    50] dar in múr, nírbo rothláith,
    ail focheird dia riged rind
  16. conid hí 's ail i n-Alind. A.
  17. Robái sund
    [gap: extent: one monosyllabic word]
    ben balla14,
    ingen Lugdach loech-banna,
    55] fria gairm nirbo dirgna dremm,
    diarbo ainm rígda Alend. A.