Corpus of Electronic Texts Edition
The Metrical Dindshenchas (Author: Unknown)

poem 14

Moin Gai Glais

  1. Culdub mac Déin dia Samna
    luid hi céin, in cath-amra,
    do chuingid chomraic óen-fhir
    co Fidrad fíal forfáilid.
  2. 5] Desin dorochair Fidrad
    d'imairiuc na trén-bidbad:
    aided Fidraid féig iar feirg
    do láim maic Déin daiger-deirg.
  3. Gae Glass úa Loga na lecht
    10] ba mass, fri fola frithbert:
    bái leis sleg taith fri tola
    dorigne Aith án-goba.
  4. Is é ba nia Fiachach féil
    úa Loga liamna lonn-géir:
    15] ba greit gáid cen díl im dul:
    dia láim dorochair Culdub.

  5. p.66