Corpus of Electronic Texts Edition
The Metrical Dindshenchas (Author: Unknown)

poem 10

Sliab Bladma

Fulartach cecinit.
  1. Blod mac Con maic Caiss clothaig
    maic Uachalla ilchrothaig
    romarb Bregmáel, gobaind glain
    Cuirchi maic Snithe snámaig.
  2. 5] Cuirche cendmar, ba rí rot
    for Medraige is for Herot;
    is lais ná fúair fóesam fír
    Blod mac Con meic Caiss clothmín.
  3. Cechaing 'n a luing, láthar n-glé,
    10] ó Bun Gaillme glan-úaire,
    ó Áth Clíath in Herut uill
    cosin n-Áth Clíath i Cualaind.
  4. Dolluid iarum iar lín chor
    co Ross Náir maic Eidlicon,
    15] co roselb i sain-rainn son
    in slíab dianid bunad Blod.
  5. Atbath fer find, figed gail,
    i Sléib Bladma, blad adbail,
    Blad mac Bregoin, buidnib tor,
    20] do thám i Sléib bledaig Blod.
  6. Aliter Nó 's ó mac Bregoin borrfaid
    Sliab Bladma co m-ban-tolcaib;
    a tarba ní cian ó crad11
    in slíab mar tarla ó trén-Blad.

  7. p.56

  8. 25] Nó bleda mara nar mall,
    bíasta, ruiseda12 a n-anmand,
    tánic fo thalmain na treb,
    conid uatha atá Sliab Bled.
  9. Blod mac Con meic Caiss clothmín
    30] romarb buachaill Bregmáil báin,
    gobann Cuirchbi meic Sníthe,
    rogab ac Ross Tíre Náir.

  10. p.58