{MS folio 40b2}Neídhi mac Onchon meic Fhinnlogha meic Finnfir, is hé in Cúchulaind Conmaicne. Dobí do chlannaib Conmeic meic Fergusa & is hé tuc cath Arddo Rathain ind-Úib Fiachrach Aidhni co tinól na Conmacne uimmi. & is ann romarbad Eidinn mac Clérigh1 & sochaidi maille friss.
Eolus mac Bipecht .i. Conmac a ainm. Dusrala cath for Connacht condorchair mór do Chonnacht ann. Is hé ba cenn Conmacni in tan sin .i. Conmac mac Bibecht & Eolus a ainm ó hsoin anúas. Ocus is hé dorad eolus fair .i. Cithrúad mac Fir Cóicat, drái na Conmacne, ar a eolchairecht a cath & a filidecht. Is úadh ainmnigther Eólus.
Golías .i. in fomoir, fer comraic deich & dá fichet & dá cét. La Dauíth dotuit Golias d'urchur tabaill iarum, conid airi sin romarb Dauíth deich & dá fichet & dá cét d'aenurchur.
{MS folio 41a1}Treo ingin Taidg meic Céin ben Lugnu meic Óengusa meic Fiachach Suidhe, unde dicitur Lugna Fer Trí .i. Fer
{MS folio 44a}Trí túatha fuilet i nhÉrinn nách do Góidelaib .i. Garbraige & Húí Thairsig & Galeóin, acht d'íarsma Fer mBolg dóib.