¶1671] Cóic m. la Cúscraid: Fráech & Finer, Findchóem & Copchass, Ciru. In Fróech is uad Conmaicne Críchi Meic Eircce, in Finer is uad Conmaicne Réin isin Bréifne, in Findchóem is uad in Cárith a quo Conmaicne Cúile Talad nomen aquae et a quo Síl Cárida.
¶1672] Is é ro bennach Pátric ut dicitur:
{facsimile page & column 161b}
- Scuchais in fer cerdda ar cáe,
céin ba h-étrócar in rí,
riasin aígid co rath Dé
at-racht Cárid co fo thrí.- Do-dn-árraid creitim is conn
h-i tig ind ríg lasin sancht,
scuis ar cúl in file find
co talla in mórfeissiur ann.- Do-bert Pátric bennacht fair
rorath do thalum do nim;
ro-t-bé tír toraid do muir
rop lir do chlann gainim lir.- Bendacht forbarta fon bith m-buan
ba suí légind litter lán
bat bárcc moíne di muir tír
de rath Dé & doíne dál.- Rop sciath Críst etrot is h-uath,
ar it file fuata fáth;
rop catháer cloth Connacht do chrích
ar-dot-raib bennacht co bráth.
- Do-béra fer mo inid ind
h-onóir is inad dot' chlaind;
mo bennacht ort co bráth m-bind
eter tír is cill is caill.- Mo bennacht for Conmaiccne
ocus for Síl Caíreda,
fora macco, fora mná,
ocus fora nóedena.- Beite do chlaind Chaírida
céin beit do réir mo recrae
epscuip ocus airchinnich,
suide éicse & suide ecnae.&rl.
¶1673] In Copchass a quo Conmaicne Mide la Cuirccne.
¶1674] In Ciru a quo Cenél Cirann h-i crích Generis Meic Ercca.
¶1675] Trí mc la Fraích: Dubán et Lugna et Cass.
¶1676] Cethri m. la Cárith .i. Eithne & Ailtne & Mbruigech & Ercc .i.
¶1677] Máel Brénaind Dall m. Échtgaile m. Móicáin m. Findsciatha m. Forsada m. Congein m. Congeith m. Cuanscríne m. Cáirthind m. Etnai m. Caíreda m. Findcháem m. Cúscraid m. Cécht m. Eircc m. Erccdail m. Duib m. Ma Druaid m. Nertai m. Fhernertai
¶1678] Mugrón m. Loingsich m. Cellaich m. Adomnáin m. Colachtaich m. Luigdech
¶1679] Ferchar m. Conmaig m. Ailgile Dedóil m. Lugdach.
¶1680] Sochlachán m. Clothgaile m. Ché a quo Loch Cé m. Colachtaich.
¶1681] Móenach m. Gaimredáin m. Domgnassaig m. Suair m. Selbaich m. Indellaich m. Bicfine m. Cairnáin a quo Carn Cairnáin m. Tháil m. Aildne m. Cairída.
¶1682] Sé mc Fergusa .i. Fer Dea et Fer Tlachtga, Mug Tóeth nó Mug Dóit nó Mug Tuath, h-Uatu, Eithlenn, Corbb Auluim.
¶1683] Fer Deoda nó Dea a quo Corcco M' Druad, Fer Tlachtga a quo sunt na cethri Araid .i. Tácraige & Arttraige & Úi Ibdana, Mug Tóeth ó tát Ciarraige & Conmaicne & Bibraige, h- Uato a quo noí Meic Maccniad in cach baile, Eithlenn a quo sunt Orbraige & Bentraige, Corbb Aulom a quo Corcco Auluim.
¶1684] Celtchair trá is dia chlaind Finniáin Cluana Iraird ut praescripsimus.
¶1685] Conall Cernach a quo Dál n-Araide & Úi Echach &rl.