Corpus of Electronic Texts Edition
Genealogies from Rawlinson B 502 (Author: unknown)

Section 11

¶790] h-Ic Cunn Cétchathach trá fodlaiter sóerchlanna Leithi Cuinn & h- it fortuatha Síl Cuind acht sin.

¶791] h-Ic Catháer Már m. Feidelmid fodlaiter sáerchlanna Laigen & h-it fortuatha acht sin.

¶792] h-Ic Ailill Aulom fodlaiter sáerchlanna Muman & h-it fortuatha acht sin.

¶793] Dá mc Úgaine: Cobthach Cóel Breg a quo Leth Cuind & Láegaire a quo Laigin. h-Ic{facsimile page & column 140b} Nuadait Argatláim condrecat Muimnig fri clannaib Úgaine. Dá mc oc Nuadait Argatlám: Glass & Cú Oiss. Glass a quo sunt Síl Cuind & Dál Riata & Ulaid & Laigin & Ossairgi. Cú Oiss a quo Muimnich nammá.

¶794] h-Ic Áed Finnliath condrecat Clann Néill & Clann Domnaill.

¶795] h-Ic Niall Noígiallach condrecat Úi Néill h-uili .i. Conall & Colmán & Éogan & Áed Sláine & Tethba & Cairpre & Cenél n- Énna & Láegaire.

¶796] h-Ic Eochaid Mugmedón condrecat Úi Néill in tuaiscirt & in deiscirt & Connachta.

¶797] h-Ic Cairpriu Liphechair condrecat Airgialla fri Uu Néill & Connachtu.

¶798] h-Ic Feidelmid Rechtaid condrecat Fotharta & Déissi Temrach & Déissi Muman & Corcco Roída fri Clainn Cuind.

¶799] h-Ic Úgaine Már condrecat Laigin & Osraige & Leth Cuind.

¶800] h-Ic Bresal Bricc condrecat Laigin fri Ú Ceinselaich.

¶801] h-Ic Murchad m. Brain condrecat Úi Fáeláin & Úi Dúnchada & Úi Muiredaich.

¶802] h-Ic Catháer Már condrecat Úi Failge & Úi Fhenechlais & Úi Bairrchi & airbi do ergabalaib Laigen.

¶803] h-Ic Diarmait m. Cerbaill condrecat Clann Colmáin & Síl n-Áeda Sláine.

¶804] h-Ic Flaithbertach m. Loingsich condrecat Úi Máel Doraid & Úi Canannáin.

¶805] h-Ic Delbáeth m. Caiss m. Conaill Echluaith condrecat na cóic Delbna fri Mumain.

¶806] h-Ic Cian m. Ailella Auluimb condrecat Ciannachta fri Desmumain.

¶807] h-Ic Fergus m. Róich condrecat na Cuirc & na Céir & na Conmeicc ex maiore parte.

¶808] h-Ic Conall condrecat secht Laígsi Laigen & Dál n-Araide & Úi Echdach & na secht Sogain.

¶809] h-Ic Celtchair m. Cuithechair condrecat h-Uaithni Tíri & h-Uaithni Chliach & dá fortuaith Arad & Seimni na n- Déisse dia m-buí Mo Chuaróc ind ecnai & Cenna la Luignib Connacht & Úi Fairchellaich ind Fhochlae &rl.

¶810] h-It forslointi trá la Úib Néill & Connachto & Ultu & Laigniu & Mumain cach óen nád beir genelach cosna cethrib ágaib arddaib seo .i. co Niall la Ú Néill, co h-Eochaid Mugmedón la Connachtu, co Cathaír Már la Laigniu, co h-Ailill n-Aulomm la Muimniu.


p.138

¶811] Is edd do-s-gní forslointi dona clannaib sóeraib as-rubramar má théis nech díb asa chrích fodeissin do chomaittreib i críchaib ailib amal do-chuatar Ciannachta & Gailenga & Delbna ó Chaissiul h-i crích Néill & amal do-chuatar ó Temraich secht Laígsi & secht Fothairt do aittreib i crích Laigen & na Déissi h-i crích Muman ar is co Feidelmid Rechtaid ad-fedar geneloigi na n-Déissi Muman & na n-Déisse m-Breg. FINIT.


p.139