Corpus of Electronic Texts Edition
Genealogies from Rawlinson B 502 (Author: unknown)

p.1

Section 1

{facsimile page & column 115a}

INCIPIUNT PAUCA DE NOMINIBUS LAGINENSIUM ET DE REGIBUS ET ORIGINIBUS ET DE GENELOGIIS ET (DI)VISIONIBUS EORUM.

1

¶1] Can & cid h-ua róetatar Lagin ainmniugud? Ní ansae. Lagin quasi lagain id est a laginis nominantur .i. óna láignib tucsat la Labraid Longsech Móen mc Ailella Áine, ut dicitur:

    1. Móen óen ó ba nóed     ní bud noos ardríg;
      ort rígu     rout án     h-úa Luircc Labraid.
    2. Láithe Gailéoin     gabsat inna lámaib láigne;
      Laigin de sin     slóg Galiain.
    3. Glinnset coicthe     codda ler lergga iath n-Éremóin,
      iar loingis Lóchet fiann     fhlaithi Góedel gabsus.
    4. Gríb indrid     iath n-anéoil     úa Luircc Lóegaire
      arddiu dóenaib     acht nemrí nimi.
    5. Ór ós gréin gelmair     gabais for dóenaib domnaib;
      scéo deeib Dia óen     as Móen mc Áine óenríg.

¶2] Lóegaire Lorcc is h-é senathair Laigin; mc-side Augaine Máir. Trí m. fichet & téora ingena dano la Augaine.

BUNAD LAIGEN IMMORRO & A TINDREM CO ÁDAM do-rurim in ríg-fhile Find Rossa Ruaid isna fursaintib do-dergéne do rígaib Lagen & dia genelogaib ó Nuadait Necht co Ádam ut dixit:

  1. Nuadu Necht     ní dámair anfhlaith
    Eterscéla moccu Iair     góet in farbfhlaith.
  2. Fó rí fiann     fri ríg ruad rudrach
    ruada cána     h-úi luaith Lugdach.
  3. Luath h-i longaib     luaided fairrci fuingniad
    gáeth ruad     rondad ar fáebur fuilniciad.

    4. p.2

  4. Fergus Fairrce, Nuadu     Necht nertmaith
    nie már nád char     cúrad ó chertflaith.
  5. Cruth ná tabair tonn     do thír tascnam
    torann fairrce a fán     fri n-ard n-ascnam.
  6. I m-bí écmacht     h-úe n-Airt n-astud
    ar cúl cáich nibu tláith     fri catha castud.
  7. Cosnaid seirib slóig     Sétnai Sithbaicc
    sír methraí oldomun     éco aithbaicc.
  8. Ad-ro-áirle     úa Bricc buaidriss,
    úa Bressail bríg     iar catha cruaidriss.
  9. Co-ta-rith luath     Lugaid fri seng sedlach
    roe dar fotre     fortach fri sedrach.
  10. Foss fri tress trén     fri trén tresgal
    trait torraid     romra aird esgail.
  11. Échtach Bressal     bress oll Fiachrai flaithniad
    échtach aire     Ailill aithgniad.
  12. Acher Foglass     fuirec cét cathrach,
    cathrí cráides     crícha ó neim nathrach.
  13. Nuadu Fuildon     forfích fiansa fóensius
    faíbrib derggaib     dagríg domuin dóensius.
  14. Drongaib máraib     mandrais iath Iathomuin
    ella oircne     oldomun crích Crothomuin.
  15. Crothais domnu     dia iallu aircnith
    Artt seo Artt     acher Mug mairgnid.
  16. Móraib frassaib     folcais domain demdad
    dóenaib ruadaib     ro rith a nél nemdath.
  17. Nibu mícád comarbus     Crimthan cáem Coscrach
    niba cíuniu Feradach     Find Fechtnach.
  18. Fácaib domun dílechta     dúrsab slóig Carmuin,
    selaig Fortrén Fedelmid     forcgla, err angbuid.
    19. {facsimile page & column 115b}
  19. Áeris trí cétu     cathróe, athlam tesgail,
    i m-bris Fergus Fortamuil     for Bretnu bresgail.
  20. Bressal Bregom     bressmac nád char cóelgus,
    cathach Ailill Abratchaín     angbadach án Óengus.

    21. p.3

  21. Ort ocht turu Tíri Iath,     ort ithu h-Idrech
    ort ocht scuru Scíthach,     selaig sluagu Siblech.
  22. Solam for muir, maith oc imram,     ruanaid flainn fadlaid
    fích trí coíctea cath i m-Muirc     mc meicc úa Luirc Labraid.
  23. Laithe cach Luain     lui cath cnedach fri fergus,
    find cach Mercúir mandrais     móin cach Satuirn selgus.
  24. Selaig máru múiriathu     muada Fer Fagraig
    fo-ggerat uaith ethrai     úi Luircc Labraid.
  25. Lámair Innsi h-ili Orcc     iurthais Sabéoin
    atreb Irrus mílib     mísaib gablais Galéoin.
  26. Glanais selba sescat ríg     rath ferda fadlaid
    fo-ddáil deiscerd iath n-Érenn     úa Luircc Labraid.
  27. Láignaib lethnaib, buidnib     bruuis crícha Carmain;
    cathaib cruadaib     confích dóene dampnaid.
  28. Domnais giallu Gaill     co coictaib arda Alpeóin,
    airech folaiget fichti lonn     lainech legeóin.
  29. Lengait Temraig     trén titacht tuath Galéoin,
    golaid Lia Fáil     fri fálgud fairni Fairéoin.
  30. Fut falnastar ní áiled     Áth Cliath cabraid,
    cosmail comlaid óir     úa Luirc Labraid.
  31. Longsech lethainech mór     mind mainbthech,
    'moa raltais turu tréith     Tíri Iath ainbtech.
  32. Omungnath do-rognad     domnais fuil fuidbech
    athgein úi Luirc     lámair sluagu suidbech.
  33. Sáerda fairenn Feradach,     Fedilmid, Fergus
    Fortamail, Bresal Bregom,     Oldam án Óengus.
  34. Ailill Abratchaín     aurgail uais amraid
    Úgaine, Eochu án,     Ailill, Lorcc, Labraid.
  35. Ladcrai Duach,     deil flann, Fiachra Tolcrai,
    tuirn muirn,     Muiridach borb Bolgcrai.
  36. Buadach Senén én     Ethén gluair gargrí,
    glass gléthach Nuadu,     níthach ardrí.
  37. Ailill cath Oalchlóen,     Sírna, Déin dagrí,
    dian Demál, Rothait,     Ogamuin magrí.
  38. Már Óengus     óe Eochu, Smirgnath,
    Smrith, Enbath, Tigernmas,     breth irgnad.

    39. p.4

  39. Briathrach Ethér     frecuir aurgnaid,
    h-Éremón már, Mílid     muad murgnaid.
  40. Móenach Bile, bríg bethri nár nemgno,
    Nema, Bríga, Bregaind,     Bráth elgno.
  41. Éicnech Deáith     dána Eirrgid ángein,
    Alldóit nia,     Nuadu nárgein.
  42. Nóenal, Fáebar, Gáedel     Glass aíngno,
    án gein Glúnfhind,     Lámfhind, Ethéoir óebdo.
  43. Agnoman, Tóe, Banb,     buadach brasgein,
    bress Séim     sóer Máir masgein.
  44. Már Ethecht uais,     Aurtacht ánmes
    Boath, Abor,     Ára, Sara, Séth sámdess.
  45. Caín Zrú, Esrú,     Ethrocht, Baoth brianda,
    ba h-all glaine Ibath,     Gomér grianda.
  46. Geb Iaféth cain     cathmílid cóemda,{facsimile page & column 115c}caíniu dóenaib     domuin Nóe nóemda.
  47. Nirbu chres coicne     coimchnis bráithre,
    balcc ellach án     aithre scéo máithre.
  48. Meicc Dé aird     aingil nimi nélgel
    Noe, Lamiach,     Mathusalám érgel.
  49. Enóc, Iaréth,     Malalél caínchlann,
    Cáinán, Enos,     Séth sóer nanua.
  50. Sóeriu Ádam     athair dóene dóengein
    duine delbas     Dia, án óengein.
  51. Óengein Dé talman     tréoin trebthaig
    trebann attreb     treb domuin debthaig.
  52. Dia tréda     triar ardd óenda
    óenrí amra nime     nóediu nia nóebda.

    53. Nuadu

3

¶3] Do-rigni Ladcenn mc Barcida prím-file h-Érenn fursunnud n-aile do rígraid Lagen & dia n-genelaigib óthá Énna Cennselach mc Labrada m. Bresoil Bélaig m. Fiachach ba h-Aiccid co (tice) a senathair Ádam.{facsimile page & column 116a}

  1. Énna, Labraid     luad cáich
    mc side Bresail     buain bláith.

    2. p.5

  2. Blad féig     Fiachach fáth
    ferr clú     Cathaír cách.
  3. Cathach decheng     dána fial
    Feidelmid     Cormac ciar.
  4. Caurad gaile     Gelta Gáeth
    grian do nimi     nóemda sáer.
  5. Nia Corbb,     Cuu Chorbb
    cathrí már     Mug Corbb.
  6. Conchubur, File     Finn, Rus
    Ruad, Fairrcge     Fergus.
  7. Fích níthu     Nuadu Necht;
    nert slóig     Sétna secht
  8. Sithbacc lonn     Lugaid Luath
    loisc trebthu     trén tuath.
  9. Crothais Brega     Bresal Brecc;
    ar-dos-brúi     Fiachu Fobrecc.
  10. Fiannrí án     Ailill Glass
    gabálach fiam     Foglas
  11. Feradach, Fuildon     Nuadu nár
    fácabsat     for sluagu sár.
  12. Sochla h-uath     ard n-ainm
    Arggatlám     glan gairm.
  13. Gabsat gail     gus la gart
    glaine doíni     Alldóit, Art.
  14. Aicher Artt     Mug muag
    marb máru     srethaib sluag.
  15. Sóe Crimthan     Coscrach cing
    cét catha     clú co h-ind.
  16. Feradach fial     Fechtnach Find
    Feidelmid Fortrén     ráid rimm.
  17. Ruiri flatha     Fer Benn
    báidis tríunu     tuath tenn.
  18. Tuart Fergus     flaithi frass
    Fortamail mílid     Breg brass.
  19. Bresal Bregom     Breg iath
    Óengus Ollam     Ailill liath.

    20. p.6

  20. Labraid Loingsech     már Móen
    m. do Ailill     Áine óen.
  21. Foirbb lonn     léom Lorcc
    Lóegaire     trom torcc.
  22. Tredarc ard     uaissem sluaig
    Augaine Már,     Eochu Buaid.
  23. Duach Ladcra,     Fiachu flann,
    díliu iach     Tolcrai bann.
  24. Bángluinn gní     glenn gáeth
    góeth di muir     Muiredach máeth.
  25. Muir mall slán     sliab slas
    Sinéoin Bric,     Áedán Glas.
  26. Gabais Nuadu     nássad iath
    Fáil Find     Oalchlóen cliath.
  27. Caínmaith slán     Sírna, Dian,
    Demáil aird,     Rechtaid rían
  28. Roth n-argait     omna óir{facsimile page & column 116b}caín Móen, Óengus     trén tóir.
  29. Tricc bricc     brúchtait bith
    Fiachu Labrainn,     Smirguil, Smrith.
  30. Sruth serb     sruaim n-ard
    Senboth gríb     gusmar garg.
  31. Caín Tigernmas     triar trén
    Follach, Ethrél,     h-Íriel h-ér.
  32. h-Éremóin aird,     Mílid már,
    óebdu Bile,     bruthmar bár.
  33. Nemáin, Bríge     Bregain, Bráth
    batar flaithi     fedma fáth.
  34. Artt óebda     dagnia derg,
    Deátha máir     mandras Elgg.
  35. Arcid, Alldóit,     noídiu nass,
    Nuadat, Nóenail,     Ébir, Glass.
  36. Gablach gliad     Nél fri h-ág,
    án fer Fóenius,     Glúnfhind bár.
  37. Lámfhind, Fethiúir,     Agnoman, Tóe,
    Bainb, Séim, Máir,     mó cach n-óe.

    38. p.7

  38. Ethecht, Aurthecht,     Aboth, Aoy,
    Ára, Iara caínu     bann bóe.
  39. Caín Srú, Esrú,     boad ban,
    Riafad,     Gomér glan.
  40. Iaféth ar cach leth     co rian ruad
    rannais bruig     betha buain.
  41. Bethin, Scithin,     Scuit, Scill,
    Scarthaig, Gréic,     Gothia, Gaill.
  42. Germáin, Point,     Pampil muaid,
    Moraind luind,     Lugdóin uaig.
  43. Hircáin, Cicir,     Ciclaid, Créit,
    Corsic, Sardáin,     Sicil, Réit.
  44. Recin, Roid,     Rómáin máir,
    Masail, Morcáin,     Macidóin náir.
  45. Narboin, Nordi,     Nombithi brais,
    Bethain, Brettain,     Belgic mais.
  46. Magoich, Arméin,     Amuis, Goirc,
    Galáit, Achaid,     Athain aird.
  47. Aláin, Albáin,     Hircáin óig,
    Etáil, Hespáin,     Guich, Góith.
  48. Grinni, Farni,     Frainc, Fresin,
    Longbaird,     Ladaich, Lid.
  49. Lacdemóin,     Tessail, Tráic,
    Troian, Dardáin,     Dalmait, Dáic.
  50. Dachi, Etheoip,     Lyrecdai,
    Égeipt, Bragmain,     Innecdai.
  51. Degdruing Nóe,     níthach ler,
    láthrais bethaid     ban scéo fer.
  52. Fer h-érard     h-elgc for lár,
    Lamiach már,     Mathusalám.
  53. Maiccne fhial,     forcgel n-Él,
    Enóc, Iaréth,     Malalél.
  54. Mál Cáinán,     Enos, Séth,
    sóeriu Ádam,     athair én.

    Énna.,

p.8

DE REGIBUS LAGENORUM ET DE ORDINIBUS EORUM NUNC INCIPIT.

{facsimile page & column 116c}

¶4] Cóic ríg tríchat do Laignib ro fallnatar h-Érind a Temair ótá Labraid Longsech Móen cotici Nad Buidb mc h-Eircc Buadaig do Úib Dega; is h-é rí dédenach ro buí díb ann amal ro-s-ainmnig in prím-file cétna Laidcenn mc Bairceda do Dáil Araide. Is dó ba bráthair Brii m. Bairceda buí la Catháer Már iarom, is é ro-d-uc for fis Cathaír. Is é so in fursunnud Laidcind:

  1. Nidu dír dermait     dála cach ríg rómdae,
    reimsi ríg Temra     tuatha for slicht slógdae.
  2. Sóer cathmílid cóemfhata     Móen Labraid Longsech
    léo níthach nathchobbur     cathchobbur coimsech.
  3. Coín mílid Ailill fri águ     fri crícha Crothomun
    crothois Abratchaín     airbe iath Ethomuin.
  4. Olldam Elgga áigthide     Amlongaid án Óengus
    attreb tóebu Temra     do-sn-ort aridn-óenlus.
  5. Ailenn chruind, Cruachu,     caínu dún dindgnai;
    dúir con-serad rómdae,     rígrad ruad rindgnai.
  6. Reraig Bresal Bregom     bith buaibthech, flann Fergus,
    flaithius fial Fedelmid     Fótla dein deirguis.
  7. Dligsius Feradach     flaithem Find Fechtnach
    felsus Crimthann     Coscrach ruad rechtmar.
  8. Rédigsius Mug Airtt,     ailsius Artt athgniath
    orddaigsius Alldóit,     Nuadu Fuildiu flaithgniad.
  9. Foglas Feredach fer

    MS has full stop after fer

    án     Ailill Glass glansus,
    gabsus forránach     Fiachrai Fobrec fannsus.
  10. Fáilgis Bresal Brec     bémnech móenach mathrí
    gabsus léo Lugaid     Lóthfind ferda flaithrí.
  11. Failsius sochaide Sétna     Sithbacc selgus,
    sóersus Nuadu Necht,     nenscais Fergus
  12. Faircce, Ruad Rus     rán réire rerga
    h-i roí rannsat a meic     mar ro feochra ferga.
  13. Finn Fili, Ailill acher,     cáem Cairpre,
    rí ruanaid ruc co ríga     réim n-oirgcne.

    14. p.9

  14. Ruiri Macha márcharptech     clóas crícha Cathriach
    Conchobur caur cain     coilles cludu cocriach.
  15. Mug Corbb, Chú Chorbb,     Nia Corb cathrí
    Corbbmac fial, Feideilmid     falnar iath athrí.
  16. Aittreib Cathaír, cóecait     cóecait m-bliadnae buanfhlaith,
    Aiccid Fiacha fírmaith     flaith fechair fuamdaith.
  17. For-bris Bresal Bélach     beithir borb buaidgniad
    brúis srábu Síl Cuind     cernach caur cruaidgniad.
  18. Con-saíd in rí ruadfoirb     ar-dingg doibsius
    ro-bí macco Lifechair     Liphi i l-luing loigsius.
  19. Longais maro Muiredach     Mo-Sníthech sóerchlann
    sochla sain comarddae     comarbba cóemchlann.
  20. Con-gab múru mórmaige     macrí Móenach márgein,
    mc Cáirthinn in cathchobair     nathchobair nárgein.
  21. Gnío níthach Nad Buidb     bar h-Eirc Buadaig buaidrí,
    búirid muad mathchorach     cathchorach cruaidrí.
  22. Curaid crodeirg cathbuadaig     críchi dar sluag sárneirt,
    slán mos-teilctis di tháeb     Temra níthaib nárneicht.

    23. Nidu.

p.10