Corpus of Electronic Texts Edition
The Irish Charters in the Book of Kells (Author: [unknown])
section 7
VII.
Dorogill gilla crist mac manchan in ferand ar do láim shoscela ic dola sís ar ammus atha catán no ar do laim b [...] ain anís ón áth ó maccaib beollain .i. o choin ulad ocos ó brathair maelciarain. & is é in log xxiiii. unga ficet .i. dargut fritoeb legind mic coin ulad ? ITé na slána .i. moenach ua cinetha ercinnech atha daloarg & aed ua mailscire do shon. & scolaige ua labrat risogain. & is é in scolaige hísein rucastair fiach broit corcra alámaib mic
p.148
imair acabrithi inna fordilsi. Mael brig [...] nan comarba cholaim cille & guare ua clucain in fer legind & sacart cenannsa & da toisech clebarta ocos dom [...] oc muintir cenannsa in n-ogdilsi in fherend ar meic mic beolain & ar cech nune ar cena no luadfed in ferand. Ite [...] o galengaib. Gille crist ua loiste co na chlaind & mac gillaibrigti mic athgidi o ua murthim ocos mac ui ar [...] .i. o [...] & mac danair o uaib Gelogan. & Dongal ua buachaillen ó claind cormaic, fiachraig imorra mac congail ercinnech [...] ua cinetha ercinnech imlig i slanigecht ind fheraind cetna. Maelruanaid mac meic cinnaith & amlaib mac meic fiacrac [...] ó u briuin. Ise imorro cricad ind eraind sin otá in sifóic anes co tuascert lochain patruic fo tuaid. errai in muilind umorro isé nos crícand dhonleith aile.
p.129