Corpus of Electronic Texts Edition
Prophezeiung Sétna's (Author: [unknown])

(Finnchú)

  1. {MS folio 121a}Apair rim, a Sétna,
    scéla deiridh betha:
    cinnus bías an líne
    nách lorg fíre a m-bretha?
  2. Cinnus bías an popal
    'ga m-bía cocar mebhla?
    Ní racha díbh ænnech
    andsa rígthech nemda.

(Sétna)

  1. Adeirim-si rit-sa
    a chléirigh cháidh chunnla,
    ní téit ar nem níamda
    acht fer díada is umla.
  2. Adeirim-si rit-sa
    cach rí tic is tír si,
    cach réim tic ar Érinn,
    ní hé grind do-chím-si.
  3. Lenfaid fallsacht bunaid
    breithemain andligid1,
    etir mac is athair
    rachait síat da sligid2.
  4. Lenfaid cléirigh næmchell
    adhaltras is écáir,
    ní fághat dá taradh
    ní asa fághat étáil.
  5. Tréicfit na mná a mbandacht
    ar céilibh gan pósadh,
    do-génait gan chagar
    ní basgfas a nóssa.

    6. p.32

  6. Tréigfidh talamh toradh
    don réim sin aderim,
    budh fás cach lis lomlán,
    budh hé in comhrád neimmbind.
  7. Ticfat plágha troma
    ar síl Ádhaim uili,
    rachdait
    [...]
    a n-anréim
    tré aimseir Mic Muiri.
  8. Scrisfuighther a Caisel
    clann Carrthaig, clann Eogain,
    co ná bía 'na falaid
    acht Danair is deóraidh.
  9. Teilcfidhther síl sær Bríain
    tar an Sinainn sribhglain,
    do-cím mar a fuilim
    a tuitim 'na cinntaibh.

(Finnchú)

  1. Cía scrisfus in líne
    atá 'san tír ibraigh?
    abair rim, a Sétna,
    na scéla nách inmain.

(Sétna)

  1. A ticfa 'na n-inadh
    do-gébhthar a fiss agam,
    a Finnchú Brí Gobhann,
    in slúagh rothrom echtrann.
  2. Ticfa cobhlach Saxan
    a crislach cúain Érend,
    terc ré n-dingnet míne
    ar áidhe a n-glérend.
  3. {MS folio 121 b2}Beit nói fichit blíadan
    a ríghi cláir Fodla,
    no gu n-dernat fingail
    gan bidbaid dá fógra.
  4. Fellfait ar a chéile
    co scáilter a flaithius,
    dergfait cloidbe is túagha,
    beit úada gan maithius.
  5. Ticfa mac ríg Saxan
    cuca-san tar sáili,
    scéraid sé ré ríghe
    Goill in tíre itáim-ni.
  6. Goill is Gáidil Érenn
    do-níad ænlam daingen,
    a n-agaid slúag Saxan,
    ní scarthar a caingen.
  7. Toitfid mac ríg Saxan,
    a tosach na slúagh sain,
    ó cumusc dá chéili
    bíaid Éiri gan úamain.
  8. Ríghait énrí ar Érinn
    Goill is Gáidil glana,
    ó ríghait in fer soin,
    ní bía esbaid arra.

    A. b.