Corpus of Electronic Texts Edition
Scéla Cano meic Gartnáin (Author: [unknown])

section 20


448] Baí-seom i rígiu Alban íar sin. Is and asbertad-som
449] forcomhad:{Manuscript Y }

    1. 450] Cid dech do lindaib flatha?
      451] ebthair flaith lindai fualang;
      452] niba rí aran Érind
      453] mani toro coirm Chúaland.
    2. 454] Cormand Comuir Trí n-Usqi
      455] san can im Inber Fernai;
      456] nicon eisbius súg tairis(?)
      457] berta do chormuim Cearnai.
    3. 458] Cormand Cell Tíri Éle
      459] it é la Mumain merda,
      460] cormand Irlóchra arddad,
      461] cormand dorindi derga.
    4. 462] Coirm Chailli Gartan co llí
      463] dáltir for ríg Cíarraigi,
      464] is ed lind ind Érind áin
      465] a ferait Goeidel arbáig.
    5. 466] Hi Cúil Tola do-foscai
      467] escra druimlethan daglaith,

      p.18


      468] dáltir fledól for Luignib
      469] diamba folt crín samraid.
    6. 470] Hibeas cormand hi Cúlaib
      471] ní torm teglaig domeso
      472] for Findia robo sesta
      473] cormann Murthemne mesca.
    7. 474] Ebthair im Loch Cúan cormand
      475] ibthair a cornu sirchu,
      476] a Maiginis la h-Ulltu
      477] frisin-gair comad ard ilchu.
    8. 478] La Dál Ríada cain-ebar
      479] im gaítho glasa gabtha
      480] lethdeog fri caindli sorcha,
      481] clisit curaid dáig abtha.
    9. 482] Cormand Saxan na seirbe
      483] san can im Inber in Ríg,
      484] im crích Cruithne im Gergin
      485] cormand derga amal fín
    10. 486] A fir, tidnaig a dig dó
      487] do mac Gartnán maic Ædo;
      488] nir an do Scí; combo rí,
      489] tuc dó in dig at-roilli.

    11. p.19

    12. 490] A fir, tidnaig mo dig dam
      491] imme roíred mo chísel;
      492] ni fil, as-berad, is' tig
      493] bud comsuide dom-isig.
    13. {folio 132b}
    14. 494] Ní comsude dom-ánic
      495] nach íar nós crechta imrud
      496] ro-saig m'éolas diam thairind diruith
      497] ca dech do latha indimrud.

      cia.