Kl.
Loinges Tairdealbaigh go Ros Ailitri gur loit go mor Deassmumain.
Mac Con Connacht h. Concupair et h. Carrthaigh ollam Connacht occisi sunt i mmaidm Caille Cobhthaigh tre anaithne etir Connachtaibh inuicem.
Morsluaighedh la Concupur mac meic Lochlainn la righ tuaisgirt Erenn co nUlltaibh et go n-Airgiallaibh maille fris i g-Connachtaibh go riacht Corrsliabh go ttugsat Connachta amus fair isin tSegais gur muidh for Cinel Conaill & gur marbadh ann h. Maoilgaoithe et an Garbanach h. Baoigill & alii multi et co ndearnsat sith fo cedóir et mac meic Lochlainn da taigh, et go ndeaccattur Ulaidh et Airgialla dar Ath Lúain sair da ttighib go gcomráinig doibh & Tigernan h. Ruairc a Maigh Conaille iar ttapairt creiche doibh a Ulltaibh dar a n-esi, gur muidh for Ulltaibh & for Airgiallaibh gur marbadh ann h. Eochadha rí Uladh & Ó Criocháin rí Fernmaighe & a mac & h. Indrechtaigh rí H. Méith et alii.
Maolisa h. Foghladha airdepscop Mumhan quieuit.
Concupur h. Briain do bualadh d'fior da muintir fén.
Kl. Enair for Aoine & .x. fuir{r} e & bliadain bisigh & an dara bliadain .xxx. ar c. ar m. o inncolluccadh Crist.
Morcablach la Tairdelbach h. Concupair for Loch nDergderc gur mill morán don Mumain. Sluaighedh leis i m-Midhe go ttug rige do Murchadh h. Maoilsechlainn.
Creach la Concupur h. mBriain a m-Maonmaigh gur airg {MS folio 217va(336a)} c-Cill mBian et go rucc bu imda les.
Caislen Bona Gaillme do losgadh do longais fer Mumhan & dream d'iartur Connacht do marbadh in h. Taidg an Teglaig.
Crechsluaighedh la Tairdealbach a n-Ib Farga gur airg uile.
Ailen an Beithe for Sinainn do losgadh o feraibh Muman & d{r}eam um taoisech Muintire Cinaoith do tuitim ann.
Crech Maighe Luirg la feraiph Breifne.
Uareirge h. Nechnain cenn céle nDe Clúana M Nois in pace quieuit.
Diarmait mac meic Edigen taoisech Clainne Diarmada moritur.
Comarba Brigde do brath co ruccadh do Diarmait mac Murchadha et a thabairt dia riar ar egin & secht fficit do marbadh ar lar Cille Dara et {a} urmór do losccudh.
Kl.
Morsluaighedh Leith Mogha um Cormac mac meic Carrthaigh & um Concupur h. m-Briain i gConnactaibh gur rédigsed an Ruadhbeitigh & na Belata & gur marbsat Cathal mac Cathail rigdamna Connacht et Gilla na Naom h. Flainn taoisioch Sil Maoilruain.
Da mac Con Connacht h. Concupair do badhadh ar Loch Ribh.
Maidm rí feraibh Teabtha for Siol Muiredhaigh ubi occisus est Amlaib mac Archon h. Raduib taoisech Clainne Tomaltaigh & ra gabadh mac i lLesdair h. Aindlide.
Concupur mac Murchadha h. Maoilseclainn rigdamna Midhe do marbadh do Donnchadh mac Gillemocolmog & do Gallaiph. Mac Gillemocolmog do marbadh do Midechaiph.
Maolgarb isin bliadain gur marb bu Erenn & a muca acht nemthni.
Ercra greine hora tertia diei.
Occissio Flaitbertaigh h. Flaithbertaigh.
Lusca do losccadh uile cona tempol do Domnall mac Murchadha h. Maoilsechlainn.
Kl.
An dith cedna for innilibh Leithe Cuinn.
Mac meic Catail h. Concupair do marbadh la h. nEgra.
Coisrecadh tempail Cormaic i g-Caisiol la maithip imda.
Murchadh h. Egra & a ben .i. ingen Tairdealbaigh h. Concupair do marbadh o Taithlech h. Eghra.
Cith clochsnecda d'ferthain a cCaisil gurba snamh dona hecaibh ar margadh Chaisil. ingnadh
Maidm re n-Osraigib for Diarmaid mac Murchadha dú a ttorchair Ugaire h. Tuathail et alii.
Coccadh mor d'fas etir Leth Mogha gur latha tri catha eturra.
Celechair mac Cuinn na mbocht sruithsenóir Cluana M Nois quieuit.
Maolciaráin mac Cuinn na mbocht uasalshagart in Christo quieuit.
Aodh mac meic Cochláin rí {MS folio 218rb(337b)} Dealbhna Betra moritur.
Aodh mac meic Taidg h. Ceallaigh rí H. Maine moritur.
Maolbrenainn h. Anradhain comarba Brénainn quieuit.
Sluaighedh la mac Murchadha go Laignib et go nAíbh cCinnsiolaigh et go nGallaibh Ata Cliath for Concupur h. mBriain go Muimnechaibh et Osraighibh et Gallaiph Puirt Lairge dú a ttorcair ar mór .i. a ttorcair mac Gille Maire meic Allgoirt an Gall as ferr ro baoí a n-Eirinn et um Amlaibh Puirt Lairge et um maithibh Osraighe & gabáil Gille Patraic h. Cindédigh.
Muircertach comarba Patraic quieuit.
Tuadmumha d'fasuccadh iar saruccadh cathaighe Iarlaithe.
Maolmaodoig h. Mongair i ccathair Patraicc.
Kl. Enair.iii. f. l. xui. M.c.xxx.u.
Cathal mac Taidcc h. Concupair occisus est o feraib Teabhtha.
Ros Comáin cona tempol do losccadh & a haircinnech & a fer leginn do marbadh ó feraiph Breifne.
Maidm Maongaighe re Síl Muiredhaigh ar Ibh Maine ubi multi ceciderunt um Concupur h. Ceallaigh & h. Mainnín rí Soghain.
Ruaidri h. Canannain rí Cinel Conaill occisus est ó Cinel Eogain.
Tene saignén do béim a chinn do cloichtech Cluana muc Nois et do thollad clagtighe Ruis Cre.
Maolisa h. hAinmire episcopus Puirt Lairge quieuit.
Ua Madudain rí Sil Anmchadha et H. Maine do marbadh a ffill do mac Gille Caoimgin h. Cinnedigh.
Domnall mac Muircertaigh h. Briain .i. gerrlamhach in clericatu quieuit.
Cinaoth h. Baigil episcopus Clochair quieuit.
Mess mor in hoc anno.
Oenric rí Saxan moritur.
O Maille occisus est o mac Domnáill h. Dubhda i ndomliag na Nuacongbala. A gaoi fen da marbadhsam tre firt Colaim Cille isin raithe cedna.
Cunga do losccadh cu a recles.
Cú Mara do marbad tre firt Iarlaithe. 12
[Mac Firbis's handwriting in A [TCD H 1 18] ends with this name, as does also the text in B [RIA P 23 5]. The following entries are only contained in A.]