Kl. for Domnach.
Aodh mac Domnaill h. Ruairc .i. an Gilla Srónmaol do coinnmedh egne a cClúin M Nois.
Snechda na n-en. Sicc mór go tteigdís na graidhe cosaibh tirmaibh lochu Erenn.
Cathal h. Mugroin taoisech Clainne Catail moritur.
Clúain M Nois d'argain do Dál cCais tre comuirle Muircertaigh h. Bruin.
Senad mor i Fiad Mac nAongusa .i. righdal fer nErenn etir laochaibh & clerchibh .i. um Muircertach h. mBriain ri Mumain go maithibh Muman & Maol Muire h. Dunain airdespoc Erenn & Ceallach mac Aodha comarba Patraic. Asi so tra nuimir aosa graidh baoi isin dail sin .i. c-ed epscoip caogad, secht sagart decc ar tri ced & .uiii. fichit deochain, & ni fuil airem ar ilnad a clerech chena. Ro cinnedh tra riagla imdha isin senadh sin.
Senadh mor Uisnigh isin bliadain
cedna & isin senadh sin do roinnedh fairce ceall fer Mide ar
dhó etir epscop Cluana M Nois & epscop Cluana
Iraird .i. o clochan and imrim siar d'espcop Cluana M
Creach la Toirrdealbach h. Concupair gur airg Termann Dabeoc. Creach ele les gur airg go Binn Eclapra & go Sliabh Rusen & go Loch Erne. {MS folio 215rb(332a)}
Kl.
Gilla Muire h. Fogurtaigh comarba Brenuinn Cluana Ferta d'ec d'esgur iar saruccadh Ciaráin tre losgadh an tredoil.
K.
Erdam Ciarain do cumdach etir slinn & benn cobair.
Gabhail Murchadha h. Maoilsechlainn la Muircertach h. Briain.
Bo-ar mor.
H. Longan aircinnech Arda Padraig do losccadh o tinidh saignén ar Cruaich Padraicc.
Comaidirecht etir Muircertach h. m-Briain et mac meic Lochlainn.
Bradan ro gabadh ig Luimnech in hoc anno: da traigid dég ina fod, da dorn .x. 'na lethed gan a sgoltadh & tri do duim & da mér a fad a ethre braiged.
Kl.
Morgalor do gabail Muircertaigh h. Briain gur impaidhsiot fir Erenn air. Ro gabh Diammaid h. Main rige Mumhan iar sin.
Ro gabh Tairdealbhach rige Connacht & ro indarb a brathair i m-Mumain & Conmaicne do Maigh Aoi.
Morsluaighedh la Leith Cuinn 'sin Mumain: Donnchadh mac meic Lochlainn & a mac & Conall & Eogan & Airgialla; h. Matgamna co n-Ulltaibh & h. Maoilseclainn go fferaibh Mide et Aodh h. Ruairc go fferaib Brefne et Tairdealbach h. Concupair go g-Connachtaibh. Deabaidh marcsluaigh ag na Belataib edir Connachtaibh & Muimnechaibh ubi multi occisi sunt um Cathal h. nDuibhcinn. Do-ber dano {MS folio 215va(332a)} Tairdealbach h. Concupair cairde d'feraib Muman tar saruccadh Leithe Cuinn fri rembliadna.
Creach la Murchadh h. Maoilsechlainn go slebtibh Laigen.
Crech la Toirdealbach h. Concupair a n-iartur Midhe gur airg uile.
Donnchadh h. Eochadha rí Uladh do dalladh do h. Mathgamna & righe do h. Matgamna.
Kl.
Snecda sguabach romor & siocc go tteccdís na imertaine cosa tirma tar primlochaibh Erenn gur marp ar innile & en & daoine.
Diarmaid h. Briain rí Muman do gabáil do Muircertach h. Bruin et do Gallaibh Luimnigh & righe do Muircertach.
Tairdealbhach h. Concupair rí Connacht do lot co mor da muintir feain go raib a ccrolighe báis et terna fa deoigh.
Arlaith ingen h. Maoilsechlainn ben Toirdelbaigh h. Concupair moritur.
Coblach la Tairdealbach h. Concupair for Sinainn gur airg Domnall mac Con Slebhe h. Fergail & go ttáinig Murchadh h. Maoilseclainn 'na tech & gur daingnighedh les Buinne & Beithe & gur idbair .3. seoda do Ciarán i c-Clúain .i. corn go n-ór & bledhe argaid co n-ór et mullach uma co n-or & co, n-argot.
Cath Atha Cliath for Laignibh re Domnall mac Muircertaigh h. Briain.
Mide {do} roinn eidir da mac Domnaill h. Maoilseclainn. {MS folio 215vb(332b)} Maolsechlainn do tuitim fo {ced}óir la Murchadh.
Clúain M Nois d'argain do Muimnechaibh & drem dibh do marbadh o feraibh Tethba.
Cl oidem frit og an Emuin isin talmain: traig fir o a chlasach co nige a fhaopur for gach leth ann, da traigid a lethed a n-eclnuis a clasaigh.