Kl. Enair.
Murchadh mac Concupair {uel mac Flainn} h. Maoilseclainn do marbadh d'Amlaibh mac Maoláin {MS folio 212rb(325b)} i gcloictech Cenannsa .i. do righ Gaileng et a tuitim fén la Maolseclainn mac Con cupair.
Terce bid isin bliadhainsi.
Kl. Enair.
Cluain M Nois do losccadh uile cenmotha an tempol
Murchadh mac Concupair meic Maoilseclainn do marbadh d'feraiph Teabta.
Kl. Enair.
Lethlopur h. Laidgnén rí Airgiall et Concupur h. Briain rí Cineoil Eogain et Domnall mac Tigernáin rí Conmaicne omnes occisi sunt.
Coibdenach ancara Imligh Ibair quieuit.
Kl.
Maolciaráin mac Cuinn na mbocht quieuit.
Ceallach h. Ruanadha ollam Eirenn moritur.
Aodh h. Flaithbertaigh rí Iartair Connacht do marbadh la Ruaidri h. Concupoir.
Muiredach mac Mugroin fer leginn Cluana M Nois quieuit.
Sluaighedh la Tairdealbach h. m-Briain go hAth Cliath et go feroib Midhe go ttainig Maolseclainn mac Concupair 'na thech la comarba Patraic et la bacaill Iosa.