Kl.
Cnut mac Stain ri Saxan moritur.
H. Ruairc .i. Art d'argain Cluana Ferta Brenainn & mebsain {fair} isin to cedna ría mac mBríain co ffargaibh ar daoinedh.
Kl.
Donnchadh mac Dunlaing ri Laigen do dalladh la Donnchadh mac Gilla Patraic gur marb de.
Maolseclainn h. Maolrúanaidh ri Crimtainn do marbadh la Aodh h. Concupair hi ccintaib Taidg et Briain.
Scoloc {.i. Niall} h. Flannagáin rí Teabta a suis occisus est.
Flaithbertach mac Muircertaigh h. Nell rí Ailig moritur.
Oengus h. Flainn comarba Brenainn Cluana Ferta quieuit.
Kl.
Cathal mac Ruaidri ri Iartair Connacht do techt da ailitre do Ard Macha. {MS folio 209va(320a)}
Scrín Coluim Cille et Damlíag d'argain do Gallaibh Atha Cliath.
Muirgius Oua Concennain ri H. nDiarmada moritur.
Flaitbertach mac Loingsigh episcopus Cluana muc Nois quieuit.
Kl.
Cunnend Condere episcopus obit.
Cat eidir Dealbna et H. Maine i ffel Ciaráin in quo multi occisi sunt sed Dealbna uictor erat.
Cat eidir Cuana ri Saxan & Ota rí Frangc du a ttorchair mile um Ota.
Kl.
Iaco rí Bretan a suis occisus est.
Donnchadh Derg mac Airt h. Ruairc ri Airtir Connacht do marbadh la Aodh h. Concubuir.
Mac Nia comarba Buite et episcopus quieuit.
Donnchadh mac Gilla Patraic ardrí Laigen & Osraighe quieuit.